The Go-To Guy

By Hoërskool Ferdinand Postma word daar gestreef om binne ʼn geborge mikro-omgewing elke leerder se potensiaal te ontsluit sodat hy/sy volwaardig mens kan word en wees, om sodoende sy/haar plek in die makro-omgewing van ʼn multi-kulturele Suid-Afrika vol te staan en ʼn daadwerklike verskil te maak. Ons aktualiseer ons visie deur die onderstaande as ons missie te stel. By Ferdinand Postma word: -onderlinge respek vir die kulturele diversiteit van ons samelewing gekweek en waardes voorgehou wat met ʼn menseregtekultuur geassosieer word; -in onderriggebeure gefokus op die opvoeding van leerders as diensbare en verantwoordelike jong Suid-Afrikaners; -maksimale betrokkenheid van alle belanghebbendes verwag; -beide onderwysers en leerders gemotiveer om lewenslange leerders te bly. -akademiese voortreflikheid as ononderhandelbaar geag; -ondersteuning gebied aan leerders wat op verskillende terreine leemtes ervaar; -alles moontlik gedoen om die skool ʼn suksesvolle onderwysinstelling te maak met ʼn deursigtige en demokratiese bestuurstyl en ʼn gesonde finansiële basis; -geleenthede geskep om leerders bloot te stel aan verrykende en verruimende loopbaanmoontlikhede.