The Go-To Guy

Daar is 'n plek wat staan op die NWU Potchefstroomkampus. Ons noem dit Hombré Manskoshuis. Hier leef en speel ons almal tesaam en werk tot eer van Sy Naam. Nie net is hierdie 'n uittreksel uit ons koshuislied nie, maar waarlik 'n onderneming van elke bul in Hombré. Hombré is een van die oudste manskoshuise op kampus, en ook nie sonder rede nie. Hombré het al die toets van die tyd deurstaan. Mens dra nie net die koedoebul op jou bors nie, mens dra hom in jou hart, en elke bul wat al in Hombré was deur die jare sal daarvan kan getuig. Hombré gaan oor trots, eer, oor en respek, maar bo dit alles gaan Hombré oor broederskap. Hombré is nie net nog 'n koshuis nie, maar 'n leefwyse!