In die hartjie van ons gemeenskap staan 'n toegewyde nie-winsgewende organisasie, bekend as NG Welsyn. Hierdie nie-winsgewende organisasie, gedryf deur 'n passie vir die welstand van kinders en die gemeenskap se minderbevoorregtes, doen 'n dringende beroep op gemeenskapslede op om op te staan en in te tree as pleegouers vir kinders wat die ondersteuning en liefde van 'n gesin nodig het.
Wie is NGW en wat doen hulle
NG Welsyn Noordwes en Gauteng, ook bekend as NG Welsyn Noordwes, funksioneer as die amptelike welsynsorganisasie van die NG Kerk in die Noordwes Provinsie en in die Vaal- en Wes-Rand streke van Gauteng. Die organisasie spits hom toe op die verskaffing van maatskaplike welsynsdienste, hoofsaaklik gerig op die ondersteuning van kinders en gesinne wat in nood verkeer, sowel as die sorg vir ouer persone. Met 'n indrukwekkende infrastruktuur, beskik NG Welsyn Noordwes oor 14 welsynskantore, 9 ouetehuise, 8 behuisingsprojekte vir afgetredenes, 2 Kinder- en Jeugsorgsentrums en 12 gemeenskapsdienspunte bedryf deur 'n toegewyde personeelkorps van 632 lede.
Kinderbeskerming in ons land staar 'n kritieke tekort aan veilige en liefdevolle huise in die gesig, veral vir diegene wat die slagoffers van verwaarlosing, mishandeling of wees is. NG Welsyn werk onvermoeid om hierdie gaping te vul deur bewusmaking en opleiding aan te bied oor die belangrikheid van pleegsorg.
Breek die stigma
Een van die grootste uitdagings is die afbreek van stigma rondom pleegsorg. Welsynsorganisasies streef daarna om gemeenskappe se persepsies te verander deur die suksesverhale van pleegkinders en -ouers te deel. Hierdie stories dien as kragtige getuienisse van hoe 'n enkele gesin 'n lewensveranderende impak op 'n kind kan hê. Die organisasie beklemtoon die noodsaaklikheid van 'n stabiele en liefdevolle omgewing vir die ontwikkeling van kinders. Hulle bied omvattende ondersteuning en opleiding aan voornemende pleegouers om hulle toe te rus vir dié uitdagende, dog belonende taak. Hierdie ondersteuning sluit in gereelde huisbesoeke, toegang tot professionele beradingsdienste en 'n netwerk van ondersteuning tussen pleegfamilies.
Word deel van hierdie reis
Die NWO organiseer ook gemeenskapsgebaseerde geleenthede soos inligtingsessies, werkswinkels en sosiale byeenkomste om bewustheid te verhoog en potensiële pleegouers aan te moedig. Deur hierdie aktiwiteite word 'n platform geskep waar gemeenskapslede kan leer, vrae kan vra en geïnspireer kan word om deel te neem.
NG Welsyn glo sterk in die krag van gemeenskap om 'n verskil te maak in die lewens van kwesbare kinders, ouer mense en minderbevoorregtes. Hulle nooi individue en gesinne uit om deel te word van hierdie transformerende reis. Deur die hande te vat en saam te werk, kan ons 'n veiliger, liefdevoller en hoopvolle toekoms vir ons gemeenskap skep.
As jy bereid is om jouself beskikbaar te stel vir kinders in nood, kontak NG Welsyn by 018 297 3928 of stuur 'n e-pos aan info@ngwelsyn.co.za. Neem kennis dat daar 'n keuringsproses is wat gevolg word.
Indien jy by ander gemeenskapsprojekte betrokke wil raak, klik op die foto hieronder om NG Welsyn se webblad te besoek.
Johané van Dyk - Potchefstroom
