Dit is weer tyd vir die gewilde Markdag by de Land Estate. Die mark skop af Vrydag 25 Oktober om 15:00 en beloof om iets vir elkeen in die gesin te hê. Met stalletjies wat oorloop van smullekker eetgoed en unieke handgemaakte produkte, is dit 'n kans om bietjie rond te snuffel en al vroeg met kersgeskenkies te begin.

Vermaak, kos en vibes

Die Oppie Stoep Dansorkes sorg vir die musiek en lekker vibes regdeur die middag. Kom maak ‘n draai, dans 'n bietjie en geniet kos wat van heinde en verre voorberei is. Daar is iets vir almal: pannekoek, gebak, tuisgemaakte lekkernye en vars vrugte.

Stalletjies wat uitstaan

• Boerebessie gaan jou smaakknoppies prikkel met hul plaasprodukte.

• Die 7-jarige Karli verkoop tuisgebakte koekies wat nie net oulik lyk nie, maar ook fantasties smaak. Kom ondersteun hierdie jong entrepreneur.

• Marina is aan die gang met handgeverfde kaartjies wat perfek is vir enige spesiale geleentheid.

• Kleinplasie bring hul bekende gebakte goedere en gebottelde lekkernye, wat beslis jou spens 'n hupstoot sal gee.

• Knuskussings bied unieke kussings wat sommer dadelik jou sitkamer bietjie knusser sal maak.

Inligting wat jy moet weet

📅 Datum: 25 Oktober 2024

🕒 Tyd: 15:00

📍 Plek: Wenakker Avenue, Potchefstroom, Suid-Afrika

Kom geniet die atmosfeer, ontmoet nuwe mense en ondersteun ons plaaslike besighede. De Land Markdag wag op jou!