Die Potchefstroom Kunsvereniging nooi die publiek hartlik uit na ’n spesiale kunsuitstalling, getiteld “Afrikaans 100: Woord in Beeld”, wat deel vorm van die viering van Afrikaans se 100ste bestaansjaar as amptelike taal. Die uitstalling open op Donderdag, 10 April 2025 om 18:00 by Snowflake Venue, Potchefstroom – en toegang is heeltemal gratis. Ja, jy lees reg. Mahala!

Woord + Beeld = Kuns met karakter

Hierdie is nie jou tipiese galery-ervaring nie. Plaaslike kunstenaars van Potchefstroom én Klerksdorp bring hul gunsteling Afrikaanse woorde en idiome tot lewe deur beeldende kuns. Dit gaan oor kleur, gevoel, storie en natuurlik, lekker Afrikaans. En moenie worry as jy nie Afrikaans magtig is nie – dis vir almal, selfs vir die wat nog "howzit" en "eish" meng in hul sinne.

Wie’s agter die feesgedoente?

Dié kunsprojek is deel van die groter Afrikaans 100 Feesveldtog, wat geskop is deur die Afrikaanse Taalraad (ATR) en die Afrikaanse Taalmuseum en -monument (ATM). Dis ‘n landwye effort, ondersteun deur verskeie Afrikaanse organisasies, om Afrikaans se plek en storie te vier.

Hoekom nou vier?

Afrikaans het ‘n lang pad gestap, maar op 8 Mei 2025 vier ons spesifiek sy 100ste verjaardag as amptelike taal van Suid-Afrika. Dis ‘n mylpaal wat nie net terugkyk nie, maar ook vorentoe mik. Die veldtog sê dit mooi: Afrikaans is ons almal s’n, en hierdie fees wys hoe kreatief en inklusief dit kan wees.

Bietjie info vir jou dagboek

• Datum: Donderdag, 10 April 2025

• Tyd: 18:00

• Plek: Snowflake Venue, 2 Kockstraat, Potchefstroom

• Toegang: Gratis

• Stad: Potchefstroom

• Organiseerder: Potchefstroom Kunsvereniging

  
  

Dis nie elke dag dat ’n taal 'n eeu oud word as amptelike taal nie – en dis defnitief nie elke dag dat jy gratis toegang kry tot iets wat jou kop en hart so bietjie gaan laat werk nie. Bring jou vriende, familie, en daai tannie wat altyd iets snaaks sê – dis tyd vir ‘n regte Potch-styl kunsmakietie.