🏏⚽🏐 🏏⚽🏐 🏏⚽🏐 🏏⚽🏐
Potchefstroom se sportlandskap het einde verlede jaar 'n nuwe toevoeging gekry met die opening van die Action Sport Arena – die eerste van sy soort in Noordwes. Drikus gesels met Danica Malan oor hoe dinge daar werk, en glo my, dit is 'n plek waar almal wil wees.
Wat is Action Sport?
Action Sport is ‘n franchise-konsep wat regoor die land bekend is. Die arena geleë in Potch, 10 Spruitstraat, bied spesifiek aksiekrieket, netbal en sokker aan. Alles gebeur binne-in die arena, so reën of wind is nie meer ‘n probleem nie.Danica verduidelik: “Ons is dromers en baanbrekers. Dis ‘n droom wat waar geword het, want Potch het nog nooit so ‘n arena gehad nie.”
Hoe werk die ligas?
Die somerliga vir aksiekrieket en netbal loop oor 12 weke van Maandae tot Donderdae. Elke aand is daar tussen een en drie krieketwedstryde en een of twee netbalwedstryde. Vrydagaande is gereserveer vir sosiale sokker.
Krieket:
22 spanne, verdeel in twee groepe
Poolfase tot middel April
Daarna speel spanne kruise oor
Elke span kry ‘n kans, van beginners tot ou manne van die sport
“Ons probeer die ligas so opstel dat almal speel. Ons wil hê dit moet vir almal lekker wees, nie net die ouens wat al weet wat aangaan nie,” sê Danica.
Netbal:
9 tot 10 damespanne
2 tot 3 gemengde spanne
Gemengde netbal raak al hoe meer gewild
Die aksiekrieket-reëls – hoe verskil dit?
Dis vinnig. Dis kort. En dis nooit stil nie.
Elke span bestaan uit 8 spelers
16 beurte per kantskop
4 boulpare van 4 beurte elk
‘n Afloop kos die span 5 lopies
Houe teen die sy-net tel punte op, en ‘n bal oor die agterste net gee 7 lopies… mits jy hardloop
“Die ouens moet vinnig aanpas. ‘n Kragtige buitelugspeler is nie altyd ‘n goeie binnenshuise speler nie,” lag Danica.
En wat van sokker en netbal?
Sokker is meer sosiaal, sonder vaste ligas vir nou. Maar die manne geniet dit – van ‘n vinnige game tot ‘n langer stryd op die baan.Netbal is kompak en intens. Die bane is kleiner, maar die spel is vinnig en daar’s geen plek om asem te skep nie. En ja, die nette is deel van die spel!
Toekomstige drome 🌍
Die arena het groot planne – hulle droom van drie bane sodat hulle eendag selfs ‘n nasionale toernooi kan aanbied. Maar soos Danica sê: “Vir nou fokus ons op wat ons het en maak seker dit werk reg.”Die span is klein maar effektief. Van admin tot finansies tot sportkoordineer – almal vat hande om die arena te laat werk.
Veiligheid en gemak
Die baan is ontwerp met veiligheid in gedagte – met sagte paalbeskerming en standaard-nette. Mediese hulp is op standby indien nodig.“Ons bid elke aand daar gebeur niks sleg nie,” sê Danica eerlik. Tot dusver was daar nog geen ernstige beserings nie.
Waarheen van hier?
Met ondersteuning van Energade as borg, en planne vir ‘n kroeg in wording, is die Action Sports Arena besig om ‘n nuwe sport tuiste vir Potch te word.Of jy nou wil kom kyk, speel of sommer net saamkuier – almal is welkom.
👉 Vir meer inligting of om by ‘n span aan te sluit, besoek hulle by 10 Spruitstraat, Potchefstroom.
🏏⚽🏐 🏏⚽🏐 🏏⚽🏐 🏏⚽🏐
#SportStroom #PotchGazette #TheGoToGuy #StroomStories #Potchefstroom
.jpeg)
