Cindi en James is 2025 se Matriekafskeid wenpaartjie!

Matriekafskeid 2025 was een vir die boeke en Potchefstroom se matriekleerders het aande van glans en goeie geselskap geniet.

Foto (verskaf): Cindi en James tydens hul matriekafskeid

Beeldskone paartjies

Ná die sukses van verlede jaar se Matriekafskeid Couples Kompetisie, aangebied deur The Go-To Guy, het hul dit goed gedink om dit ‘n jaarlikse instelling te maak. Inskrywings het ingestroom en die publiek kon vir hul gunstelinge gaan stem. Na ‘n paar weke is die top vyf paartjies aangekondig en toe is dit tyd vir die borge om húl stemme te laat tel. Die top vyf het bestaan uit Cindi en James, An-Lea en Dewald, Klopdisselboom, T&C en die N&M Power Duo.

Baie geluk aan ons wenpaartjie

Baie geluk aan Cindi en James wat op die ou end van die dag weggestap het met die titel as The Go-To Guy Matriekafskeid Couples Kompetisie se wenpaartjie! Dankie aan elke paartjie wat ingeskryf het, julle het almal asemrowend gelyk en ons wens almal kon as wenners gekies word.

'n Groot dankie aan die borge

‘n Laaste woord van dank gaan aan die wonderlike borge (hieronder gelys) wat hierdie kompetisie moontlik gemaak het; julle is die hartklop van ons dorp. Cindi en James, geniet julle fantastiese pryse!

• Go-To Guy Potchefstroom

• LvR designs

• LyriMus Theater

• SA_MindMaze_EscapeRooms

• Diggers-inn Pub and Grill

• De Rooie Deur Geskenkwinkel

• The Jukebox Restaurant

• Tamaria Clothing

• Lien Klokow Photography

• Revivified Beauty Salon

• Perfection Beauty Salon

• SelfieBox

• Snyman & Associates

*Besoek gerus die borge se sosiale media platforms deur op die naam te kliek.

Foto: Ons wenners met hul pryse

Matrieks van 2026, hou hierdie spasie dop vir volgende jaar se kompetisie! 

__________________________________

Johané van Dyk - Potchefstroom