Gimmies se Kamerkoor sing hul pad na goud by ATKV-Applous
- Yolandi Botes
- 6 days ago
- 1 min read
🥇🎶🥇🎶🥇🎶🥇🎶🥇🎶
Potchefstroom Gimnasium se Kamerkoor het onlangs hul stemme laat hoor by die ATKV-Applous-koorkompetisie, en met trots kan ons sê: Gimmies bring goud huis toe!
Hoë standaarde, groot prestasie
Die ATKV-Applous-kompetisie is bekend vir sy uiters hoë standaarde en streng beoordeling. Skole van regoor Suid-Afrika neem jaarliks deel, en om in hierdie kompetisie goud te verwerf, beteken werklik iets. Dis nie net ’n klank wat tel nie, dis tegniek, interpretasie, samewerking en harde werk wat die verskil maak.
Spanagter die sukses 👏
Die sukses van die koor sou nie moontlik wees sonder die toegewyde leiding van juffrou Lorettè du Toit, juffrou Nelmari van Tonder en meneer Tommie Ferreira nie. Hulle passie vir musiek en hul leerders het duidelik tot ’n sterk en professionele uitvoering gelei.
Gimmies wys weer hulle kultuurklas
Gimmies bewys weer dat kultuur en musiek sterk leef binne die skoolgemeenskap. Hierdie is nie net 'n prestasie vir die koor nie, maar vir elke leerder, ouer en onderwyser wat kultuur by die skool ondersteun.
Baie geluk aan elke koorlid, julle het Gimmies se naam met trots en gehalte verteenwoordig
Commentaires