Hoër Volkskool verwelkom voornemende Volkie-familielede

Woensdagaand, 28 Mei 2025, het talle graad sewe leerders en hul ouers na Hoër Volkskool gestroom om vanjaar se Opedag, oftewel Opeaand, by te woon. 

Volkies verwelkom voornemende graad agts met flair

Leerders verken die gronde

Onder leiding van verskeie onderwysers, is ouers en hul kroos deur die skoolgronde geneem en het by, onderandere, die netbalbane, astrobaan, gimnasium en museum gestop om meer van die skool se sport, kultuur en geskiedenis te leer. Koshuistoere was ook gedoen en die seuns en dogters is na Jack Pauw en Ons Hoop onderskeidelik geneem om hierdie koshuise te besigtig, terwyl Hebrews Coffee gesorg het dat besoekers warm bly op hierdie koel aand. 

Die meisies kon hul netbal vernuf toets

Verwelkoming en verversings

Na die skooltoer, het die hoof, Meneer PW van Aswegen, ouers en leerders toegespreek voor die hoofgebou en daarna kon besoekers meer inligting oor die skool verkry by die stalletjies terwyl hul aan iets geknibbel het. Die Volkie-vlam het helder gebrand en die trots waarmee die personeel en leerders hul rooi, swart en goud gedra het, kon duidelik gesien word. Hierdie aand het ook groot opwinding by die graad sewe leerders ontlok en sommiges het selfs voor die Opedag reeds besluit dat hulle deel wil word van dié familie.

Volkies se naam in ligte - letterlik

Raak deel van die familie

Indien jou kind ook wil deel word van die Volkie familie, kliek hier om hul webblad te besoek en sodoende die aansoekvorm in te vul vir 2026.

Johané van Dyk - Potchefstroom

____________________________________

So paar foto's en video's van Opedag 2025