Jasper se Ontdekkingsreis: Die Stories agter die Emmie-Mure
- Yolandi Botes
- Mar 31
- 1 min read
Ons geliefde skool-maskotte, Jasper, is hierdie maand op ’n missie om die geskiedenis van Laerskool M.L. Fick se pragtige skoolgebou te verken. Jasper glo dat jy nie net ’n jaar lank die gesig van die skool kan wees sonder om die grond en die klippe waarop jy staan te ken nie!
’n Gebou met Siel (sedert 1910)
Jasper het gaan rondsnuffel en op ’n paar fassinerende feite afgekom wat selfs sommige Emmies dalk nie geweet het nie:
Eeu-oue Erfenis: Die hoofgebou pryk al sedert 1910 in Peter Mokaba-laan (voorheen Van Riebeeckstraat).
Oorspronklike Glas: Sommige van die vensterraam-strukture is nog presies dieselfde as wat hulle meer as 100 jaar gelede was!
Nuwe Lewe: Onder leiding van Mnr. Heyns het daar vanaf verlede jaar groot opknappings aan die ou saal begin,’n projek wat die geskiedenis met die moderne toekoms verbind.
Foto: Laerskool M.L. Fick
Die Uitdaging: Die "Emmie Manier"
Jasper het egter nie net stories vertel nie; hy het ook ’n uitdaging aan elke Emmie gerig om die skoolgebou met die nodige respek te behandel:
Hou dit skoon: Moenie rommel strooi nie.
Help waar jy kan: Grys ’n besem en help Juffrou om die klas uit te vee.
Netjies op die stoep: Loop flink en netjies wanneer klasse wissel.
Comments