Klerksdorp se Mark en Pretloop bring ‘n Kraken draai - 26 April

Klerksdorp – Pick n Pay Mark is terug en hierdie keer met ‘n twist: ‘n Kraken wat arms kom druk.

Die gewilde Pick n Pay Mark hou weer ‘n dag vol markpret en gemeenskapskuier op Saterdag, 26 April 2025 van 08:00 tot 13:00 by PnP Hyper Wilkoppies, en dit kos jou nie ‘n sent om daar in te stap nie – toegang is gratis.

Kraken Armdruk Klub daag jou uit

As jy ooit gewonder het hoe om arm te druk soos ‘n regte pro, is nou jou kans. Kraken Armwrestling Club, gevestig in Klerksdorp, bring hulle spiere en skills om die gemeenskap te wys hoe dit gedoen word. Daar sal demonstrasies wees waar jy die basics kan leer, en daarna kan jy jou staal meet teen ‘n vriend óf ‘n pro in die uitdagings wat volg – met pryse wat op die spel is.

Stalletjies, sosaties en ‘n bietjie alles

Meer as 45 uitstallers gaan hulle goedjies kom wys en verkoop – van kos en klere tot kreatiewe handewerk. En ja, daar is nog stalletjie plek beskikbaar vir die wat wil deel wees teen net R120. Die sosatie- en worsbroodjie-stalletjie is nog oop vir bespreking, so as jy ‘n vleisbraai in jou vingers het, dis nou jou kans.

Hoe om in te skakel

Vir enige navrae of besprekings van stalletjies, kontak Tinus van Staden by 083-294-8077. Hy’s ook op WhatsApp beskikbaar en jy kan inskakel op die Facebook groep vir meer inligting:

https://www.facebook.com/groups/622155435431782/

Belangrike Details

• Datum: Saterdag 26 April 2025

• Tyd: 08:00 – 13:00

• Plek: Tom Avenue, Buffelsdoornweg, Wilkoppies, Klerksdorp

• Toegang: Gratis

• Kontakpersoon: Tinus van Staden – 083 294 8077

• Facebook groep: PicknPay Mark (Klerksdorp)

Nota: Die mark word betree op eie risiko. Maar kom nou – dis armdruk, nie stoei nie. Kom loer in, kuier saam, en dalk wen jy iets of druk sommer net ‘n bietjie arm vir die pret.