Leerderraad 2026: ’n Diensbare Begin met ’n Gees van Nederigheid

Yolandi Botes
4 hours ago
1 min read

👣 ✨👣 ✨👣 ✨👣 ✨👣 ✨

By Goudkop Laerskool glo ons dat ware leierskap begin met nederigheid en diensbaarheid, en ons Leerderraad van 2026 het hul reis juis so begin. In ’n gedenkwaardige en betekenisvolle geleentheid het Tannie Reid ’n kragtige boodskap van geloof en diens gedeel, vergesel van die simboliese voete-was-seremonie.

Diens Voor Leierskap

Die kern van die boodskap was eenvoudig, maar diep: Net soos JESUS, die Koningskind van God, ons geleer het om ander met liefde en nederigheid te dien, word ons Leerderraad geroep om hul rol met respek, deernis en eer aan God te vervul.

Geseënd en Geroep

Ons glo dat God reeds met die Skepping geweet het wie die 2026 Leerderraad van Goudkop sou wees. Hierdie groep leerders is nie net verkies nie, hulle is geroep. En nou word hulle gestuur om as lig en leiding te dien binne ons skoolgemeenskap.

Dankie, Tannie Reid

Ons sê opreg dankie aan Tannie Reid vir haar inspirerende woorde en die diep geestelike impak wat sy op hierdie geleentheid gemaak het. Julle boodskap sal lank onthou word, en dit het die toneel gestel vir ’n jaar van betekenisvolle diens. Mag hierdie Leerderraad hul opdrag met nederige harte en vaste gees uitvoer, tot eer van God en tot voordeel van elke leerder.