Mel Die Storieverteller bring ‘Dik Deurmekaar’ na Klerksdorp - 7 Mei

Amanda Bekker
Apr 25
2 min read

Klerksdorp, hou vas aan julle hoede

Op 7 Mei 2025 gaan dinge Dik Deurmekaar raak in Klerksdorp wanneer Mel die Storieverteller haar tweede eenvrou-vertoning by die Steadfast Life Church (op die hoek van Cory- en Visserstraat, La Hoff) aanbied. Hierdie nuwe stuk is nie sommer net ‘n gewone show nie, dis ‘n mengsel van stand-up comedy, nostalgiese stories en ‘n bietjie chaos… die lekker soort chaos.

Van klas toe chaos toe

In haar kenmerkende styl vertel Mel van daai eerste keer toe sy ‘deurmekaar’ gevoel het in Juffrou Draak se klas, ‘n ervaring wat blykbaar die res van haar skoolloopbaan gevorm het. En van daar af het dinge net meer deurmekaar geraak: matriekafskeide, hare wat nie wil werk nie, en die lewe se ander curveballs.

Visvang en fancy karre ook op die spyskaart

Mel deel ook haar skewe (maar skerp) kyk op die wêreld: van mense wat te veel worry oor wie wie like, tot ouens wat visvang asof dit ‘n sport is, tot hoekom slimfone en 'straight couples' haar soms laat kop krap. Dis snaaks, ja, maar ook bietjie waar.

Alles behalwe ‘n plan

Wat hierdie vertoning spesiaal maak, is dat daar altyd ruimte is vir ‘n bietjie improv. Mel hou daarvan om met die gehoor te chat, so moenie verbaas wees as jou eie storie dalk in haarne beland nie. Dis juis daai spontaniteit wat maak dat geen twee shows dieselfde is nie.

Belangrike details

🗓️ Datum: 7 Mei 2025

📍 Venue: Steadfast Life Church, Klerksdorp

🕖 Vertoning begin: 19:00

🚪 Deure oop: 18:00

🎟️ Kaartjies: R180 per persoon

🚫 Ouderdomsbeperking: Geen kinders onder 16

⏱️ Duur: 70-80 minute, geen pouse

Kaartjies is beskikbaar via Quicket:

👉 Bespreek hier

Kontakbesonderhede

🌐 Website: meldiestorieverteller