Moord drama en Daisy de Melker - Momentum Aardklop kry musikale tronk-skudding

Dinge raak behoorlik omgekrap in die nuwe musiekkomedie, Tronk met ’n D, wat by vanjaar se Momentum Aardklop op die planke is. Die storie skop af wanneer Leksie Pieterse tronk toe gestuur word vir moord. Sy beland in ’n sel saam met twee baie interessante karakters: die manipulerende Cruella Barnard en die legendariese Daisy de Melker. Ja, dieselfde Daisy wat almal dink lankal dood is. Tussen die oranje oorpakke, korrupte prokureurs, geheime planne en ’n stewige dosis liefdesdrama raak hierdie sel vinnig ’n plek waar niemand regtig veilig is nie.

Beeld: Webblad - Momentum Aardklop

Groot name op die verhoog

Hierdie produksie deur Leftfoot Theatre Productions beloof om gehore te laat lekker lag. Die bekende Elzabé Zietsman, Ignatius van Heerden en André Lötter is die akteurs wat hierdie karakters lewe gee. Braam van der Vyver het die teks geskryf, terwyl Lihan Pretorius en Johan van der Merwe die regie behartig. Met skerp humor, baie chaos en lekker musiek onder die leiding van Dewald Rieger, is dit ’n wilde rit vol kriminele kattekwaad en lekker camp vermaak.

Wanneer en waar om dit te sien

Die vertoning word by Gimmies gehou, geleë te Molenstraat 20, op die Bult. Die show is 85 minute lank, is in Afrikaans en het ’n ouderdomsbeperking van geen o.13 nie. Daar is drie geleenthede om die produksie te sien:

• Woensdag 30 September om 09:30

• Donderdag 1 Oktober om 19:30

• Vrydag 2 Oktober om 20:00

Kaartjies

Kaartjies is beskikbaar teen verskillende pryse. Dit kos R220.00 vir Hartsvriende, R240.00 as jy aanlyn koop, en R260.00 as jy jou kaartjie by die deur koop. Aanlyn kaartjies kan gekoop word by die Seatme.

Seatme