Plaas Sokkie by Draadstoor: ‘n Dans aand op die plaas wat jy nie wil mis nie - 24 Mei

As jy in die Parys-omgewing is en hou van sokkie, boeredans, of sommer net ‘n lekker kuier, maak seker jy’s Saterdag 24 Mei op Kopjeskraal pad, by Draadstoor. Dis nie net ‘n skuur met liggies nie, dis waar mense bymekaarkom om die stof van die week af te skop met ‘n draai op die dansvloer.

Wat om te verwag

Die sokkie begin by die Draadstoor op een van die mooiste plekke aan die rand van die Vredefort Koepel. Hierdie gasteplaas is bekend vir sy rustige atmosfeer, plaasgasvryheid en natuurlike skoonheid, en ja, dit is daai tipe plek waar jy nie selfoonsein verwag nie, maar waar jy tog elke oomblik wil vasvang op jou kamera.

Daar gaan nie net gedans word nie, bring jou eie vleisie en koelerboks, want dis ‘n bring-en-braai affêre. Hulle voorsien eetgerei en bykosse, so jy hoef nie jou ma se bordjies saam te ry nie.

Kaartjies en pryse

Vir volwassenes kos dit R100, leerders betaal R50 en die kleingoed onder 6 kan verniet kom saamdans. Jy betaal kontant by die hek, so los maar die SnapScan by die huis. Dis eenvoudig: jy kom, jy betaal, jy dans.

Wie om te kontak

Gerda is die een wat die touwtjies trek, kontak haar gerus vir enige vrae of om net bietjie vooraf inligting te kry:

📞 WhatsApp / Selfoon: 078 268 8798

Dis dalk nie ‘n glansgeleentheid met rooi matte en flitsligte nie, maar dis eg, dis plaas en dis regtig lekker. Saterdag 24 Mei, kry daai vellies uit, pak jou koelerboks, en kom draai saam met ander boere en ander dorp bewoners. Want as daar een ding is wat ons almal deel, is dit ‘n liefde vir goeie musiek, ‘n warm vuur en ‘n skoffel op die dansvloer.