Riana Nel se nuwe liedjie is ’n kragtige poprock-getuienis van keuses

Met haar unieke stem en eerlike lirieke, maak Riana Nel ’n triomfantelike terugkeer na die musiektoneel met haar splinternuwe enkelsnit, “Kies”. Dié liedjie – wat sy as PopRock met invloede uit die 40’s, 70’s én vandag beskryf.

Foto : Coleske Group

“Mens maak baie keuses in die lewe,” sê Riana. “Maar die twee belangrikste is: met wie jy trou, en wie jou red. As jy jou keuses op vrede bou, val al die ander in plek. Ek kan sonder twyfel sê dit is die waarheid vir my – en ook die rede vir my vreugde en sekerheid.”

’n Boodskap wat Dieper Gaan as Klanke

Met “Kies” bring Riana nie net musiek nie, maar ’n boodskap – een wat sy self met oorgawe leef. “Ek voel net dinge gaan vinnig agteruit in die wêreld. Dis nie meer so rein soos die 40s of vredevol soos die 70s nie. Wie se hand gaan jy vashou aan die einde?

Die liedjie is ’n familie-ervaring. “Ek verkies om my eie liedjies te skryf – my hart is vol stories. En om my kindertjies te hoor saamsing in die huis voor die liedjie nog eers uit is – dit is vir my alles! Ek glo kinders moet kan saamsing.”

Jongmense en die Soeke na Rigting

“Ek sien soveel jongmense wat reg verby die rooi ligte stap, en ek dink dis omdat niemand hard genoeg rigting wys nie. Alhoewel sy nie weet hoe luisteraars gaan reageer nie, weet Riana dat sy haar hele hart in “Kies” gesit het. “As dit goed genoeg is vir my, my man en my kinders, en ek het my beste gegee, dan glo ek dis goed genoeg vir ander ook.”

’n Musiekvideo wat Letterlik Vuur Vat

Die produksie van die liedjie se musiekvideo was allesbehalwe alledaags. Saam met die span van New Ending Media – wat ook verantwoordelik was vir die “Ek Wonder” en “Wat Nou?” se musiekvideo’s – het hulle ’n video geskep wat sowel dramaties as betekenisvol is. “Ons het letterlik ’n stel afgebrand! Ja, TikTok gaan dit seker verban, maar die wêreld gaan brand – en my vraag is: het jy iets gekies wat nie gaan brand nie?”

’n Samewerking van Hart en Vlamme

Dié video, verfilm op Jacques du Plessis se grond by S2N Mining in Reyton, was ’n samewerking van passie, visie en opoffering. “Ons het ’n ou klavier gebrand – iets wat ek nog altyd wou doen! En danksy Wimpy Cowan en Wessel Pretorius was die vlamme iets om te sien.” Vriende het saamgewerk aan die stel, geverf, braai gehou en die nag deur gelag. “Dis sulke mense wat die proses die moeite werd maak,” sê Riana. Musiek Video Riana Nel - Kies