Sterk Staan Boeredag kom Parys toe - 2 Oktober

Gemeenskap nooi boere en bure

Die Vredefort gemeenskap hou op Donderdag 2 Oktober 2025 ’n spesiale boeredag by Noble Country buite Parys. Die dag is oop vir boere, boervrouens, sakemense en gesinne – en eintlik sommer enige iemand wat lus is om te hoor hoe ander boere hul uitdagings aanpak.

Die tema is eenvoudig: “Boerdery is nie speletjies nie.” Dis ’n dag om eerlik oor struikelblokke en groot besluite te praat en te hoor hoe geloof en gebed deel is van boerdery se daaglikse realiteit.

Program van die dag

Registrasie begin al 08:00 met ’n sangprogram deur Lizette Combrink en vriende.

Daarna loop die oggend soos volg:

09:00 – Verwelkoming deur Juan Greeff, opening deur ds. Hannes Haggard

09:30 – Jannie Moolman, boer uit die Karoo

10:00 – John Klopper, boer van Potchefstroom

10:30 – Tee/koffie en verversings

11:00 – JB van den Berg, boer van Bothaville

11:30 – Marius Voigt, boer van Kroonstad

12:00 – Gebed vir die seisoen saam met Henru Pieters

12:30 – Afsluiting: Onse Vader deur Erna Rademan

12:45 – Lam spitbraai ete verskaf deur La Oma Slaghuis

Kos en koste

’n Spitbraai ete kos R200 per persoon (7 jaar en ouer). Kinders onder 7 eet verniet. ’n Tafel bespreking vir tien persone beloop R1 800. Jou kaartjie sluit die spitbraai, koffie, tee en verversings in. Koeldrank kan apart by die kiosk gekoop word.

Praktiese inligting

• Datum: Donderdag 2 Oktober 2025

• Tyd: 08:30 – 14:00

• Plek: Noble Country, Parys

• GPS: -26.926997, 27.393237

• Besprekings: Google Forms

  • Betaal teen 1 Oktober per EFT of kontant/kaart op die dag.

• Navrae:

  • Juan Greeff – 079 874 1860

  • Jani Greeff – 082 256 7755

  • Henru Pieters – 076 113 6696

  • Lizanne du Toit – 071 704 2796

  
  

Die Sterk Staan Boeredag is ’n inisiatief van die Vredefort kerke, boereverenigings en die breër gemeenskap. Dis nie net ’n dag vir boere nie, maar vir almal wat saam wil gesels, luister en eet. En natuurlik, niemand sê nee vir ’n lam spitbraai nie.