Op 4 Oktober 2025 gaan dinge blom. Letterlik en figuurlik. Threads of Grace Ministry hou ‘n spesiale oggend vir vroue met die tema “Herstel om te Blom”, en dis nie net nog ‘n koffie-en-koek storie nie.

Wat om te verwag

Dis ‘n oggend wat beloof om jou siel en jou maag te voed. Doreen Maré, saam met haar span, gaan gesels, bid, en waarskynlik ‘n paar trane afvee ook. Die hele idee? Vroue wat dalk so bietjie moeg is, bietjie stukkend voel, of sommer net ‘n hupstoot nodig het, kry ‘n kans om weer te blom. Ja, blom, nie net in die diep geestelike sin nie, maar ook sommer net as vrou.

Waar en wanneer

Die event skop af Saterdag 4 Oktober 2025 by Rubique Restaurant op die terrein van Greenfield Nursery in Flamwood, Klerksdorp. Dis van 09:00 tot 13:00, net lank genoeg om by te kom, maar nie so lank dat jou man die kinders begin verf nie.

Kaartjies en kostes

Kaartjies is R280 per persoon, nie sleg nie as mens in ag neem dat dit ‘n ligte ete én ‘n geskenkpakkie insluit. Dis amper soos ‘n mini-retreat met ‘n gratis lunchbox. Vir navrae of om jou sitplek te bespreek, kan jy Scharné bel by 061-827-3621 of Rina by 060-657-2590.

Kleredrag: veldblom vibes

Dis nie formeel nie, maar jy moet asseblief nie in gym klere opdaag nie. Daar’s gevra dat almal sagte veldblom-kleure dra, dink pastel, blommetjies, maybe ‘n flowy rok as jy dapper voel.

Meer as net ’n preek

Wat hierdie oggend anders maak, is dat dit nie net ‘n “jy is spesiaal” toespraak is nie. Dis ‘n geleentheid vir geestelike herstel, vrou-wees sonder skuldgevoelens, en ‘n plek waar jy mag huil, lag of net vir ‘n slag niks sê nie.

Hoe om in te skakel

As jy meer wil weet of sommer net ‘n vriendin wil saamnooi, gaan kyk gerus op hulle Facebook page:

🔗 Threads of Grace Ministry Facebook

Dis eenvoudig: bring jouself, bring jou storie, en laat God toe om iets mooi te doen. En as jy nog twyfel, dis vier ure sonder kinders, pligte of karre wat gewas moet word. Wat meer wil 'n mens hê?