Van Skoolbank tot Sportbaan: ’n Week van Wen

Yolandi Botes
Jun 5
3 min read

🗞️🗞️🗞️🗞️🗞️🗞️🗞️🗞️🗞️🗞️🗞️🗞️

Van netbalbane tot vegmatte en taalprestasies – ons leerders het gewys wat in hulle steek! Hier’s ‘n opsomming van alles wat gebeur het in ’n week vol trots, deursettingsvermoë en prestasie. 🌟

🏐 Saints blink uit by SACSSA

🥇 Goud vir die o/9’s

Die o/9-netbalspan van Saints het Saterdag, 31 Mei, by die SACSSA Junior Netbaltoernooi in Randburg uitgeblink. Hulle het goud losgeslaan ná ’n naelbyt-eindstryd teen Westville wat 4–3 geëindig het. 🔥

🥈 Silwer vir die o/11’s

Die o/11-span het ook hul kant gebring en stap trots weg met silwer, ná ‘n reeks taai wedstryde.👏 Baie dankie aan afrigters Ivan, Claudio en Wame vir julle leiding en ondersteuning. Hierdie is nog ’n mylpaal vir Saints se groeiende SACSSA-erfenis.

🥋 M.L. Fick maak ‘n merk by All Out War

Laerskool M.L. Fick se leerders het deelgeneem aan die RCFA All Out War Kampioenskappe in Potchefstroom, en hulle het behoorlik medaljes ingesamel!

🏅 Hier is ‘n paar hoogtepunte:

Mattias van Niekerk – 3 goud, 2 silwer, 3 brons 🥉 (Algeheel 3de plek)
Zariëtte Knoesen – 3 goud 🥇 (Algeheel 2de plek)
Melan van der Mescht – 3 goud, 1 silwer, 1 brons
Tian van der Mescht – 1 goud, 3 silwer, 3 brons
Ander wenners sluit in Dachél, Sidney, Seth, James, Tianique, Damon, Gillian en Teagan!

Hierdie jong vegters het moed en dissipline gewys, en die M.L. Fick naam met trots gedra. 🥋💥

🏉 Chris Nunu gekies vir Grant Khomo Week

Ons is baie trots om aan te kondig dat Chris Nunu van Potchefstroom High School for Boys gekies is om die Leopards o/16A-span te verteenwoordig by die Grant Khomo Week in Pretoria.

Soos met meeste verteenwoordigende spanne, is daar kostes betrokke, en Chris het die ondersteuning van ons skoolgemeenskap nodig om dié kans te benu. Kom ons help Chris om sy rugbydroom aan te pak! 💪

🎉 Gala-aand vier Gimmie-atletiek

Gimmies het onlangs ‘n spesiale gala-aand gehou om hul atlete te vereer wat aan die SA Kampioenskappe deelgeneem het. Dit was ‘n aand vol waardering vir die harde werk, opoffering en spanwerk van elke atleet.

Die byeenkoms het ook omliggende laerskole se top atlete verwelkom – ’n teken van groei in die Gimmie-atletiekfamilie.’n Groot dankie aan The Roots Lifestyle Centre vir die pragtige lokaal en heerlike kos. 🌿

Dis nie net sport wat hierdie week skyn nie, die FAK (Federasie van Afrikaanse Kultuurvereniginge) het ook Gimmie-leerders erken wat in Afrikaans Huistaal uitgeblink het.

🎓 Afrikaans is nie net ’n vak nie, dis deel van wie ons is. Hierdie leerders het gewys dat hulle hul taal liefhet én verstaan.Dankie aan elke ouer, onderwyser en ondersteuner wat die pad saam met hulle stap.

🎉 Majorette-pret in Potch!

Op Saterdag 7 Junie 2025 gaan dit wemel van kleur, gees en ritme by The High School for Girls, Potchefstroom, want dis tyd vir die Majorettes Kompetisie, en almal is welkom!

Belangrike Inligting

Tyd: 08:00 – 18:00💰

Toegang: R20🚗

Parkering: Drummie Field, via Kockstraat

Tuck Shop: Heeldag kos en koeldrank te koop

Skole wat deelneem sluit in:

Tlhabane West Laerskool
Laerskool La Hoff
Eagles Majorettes and Cheer
NCIF Junior & Senior
Klerksdorp Hoërskool
Lebone II College
Black Diamond Blaze
Oasis Learners Academy
…en natuurlik ons eie Meisies Hoër span! 💙

Bring jou familie en kom moedig die drummies aan – dit gaan ’n dag vol opwinding wees!

👑 Mnr. en Mej. Ferdies 2025: ’n Glansaand vol Trots ✨

Die verhoog het gestraal, die gehoor het gejuig, dit was ’n aand van styl, selfvertroue en trots toe Ferdies sy nuwe Mnr. en Mej. 2025 gekroon het!

Die finaliste het met gees en grasie opgetree. Dit was nie net oor voorkoms nie, karakter en selfvertroue het uitgestaan. En ja, die wenners het dit regtig verdien! 👏

Meer as net ’n glansaand, dit het gewys hoe trots ons is op ons jeug.

ONS LEER. ONS LEEF. ONS LEI.

Of dit nou op die veld, in die klas of op die mat is, hierdie week het gewys wat moontlik is wanneer harde werk en gemeenskapssteun bymekaar kom.

Hou aan glo, hou aan groei, en hou aan groot droom . 💙