Aardklop kry Rou Afrikaanse Rock: Kerk Straat Bring die MK-Gees Terug na Potchefstroom
- Charlene Bekker
- 1 hour ago
- 2 min read
Wanneer Aardklop vanjaar die strate van Potchefstroom laat bruis, is daar een plaaslike rockgroep wat gereed is om die verhoog aan die brand te speel. Die alternatiewe Afrikaanse rockgroep Kerk Straat maak gereed om feesgangers te wys hoekom hulle as een van die opwindendste nuwe name in die bedryf beskou word.
Die groep, wat bestaan uit Francois Viviers (sanger en ritmekitaar), Christo Franken (baskitaar), Jason Coetsee (hoofkitaar) en Caleb Bediako (tromme), het 'n diep wortel in Potchefstroom self. Die naam "Kerk Straat" kom van die oorspronklike Kerkstraat (nou Walter Sisulu-rylaan) waar Viviers grootgeword het en sy liefde vir musiek saam met sy wyle pa ontdek het.
"Ons wil mense herinner hoekom hulle oorspronklik verlief geraak het op Afrikaanse rock en wys dat daardie storie nog lank nie verby is nie.", Kerk Straat
Eerlike Musiek Sonder Voorgee
In 'n musiekwêreld wat dikwels deur oppervlakkige giere oorheers word, kies Kerk Straat 'n ander pad. Hulle kombineer rou, meesleurende gitaarklanke met eerlike lirieke wat oor die werklikheid van die lewe praat.
Feesgangers op Aardklop kan uitsien na 'n vertoning gelaai met energie en veral hul gewilde enkelsnitte:
"MK Dae" , 'n Nostalgiese dog skerp snit wat teruggryp na die goue era van Afrikaanse rock waar die "klein ou" 'n stem gehad het.
"Val" , 'n Krap-waar-dit-jeuk alternatiewe rocksnit wat reeds 'n gunsteling onder hul aanhangers geword het.
"Een Keer" , Nog 'n bewys van hul meesleurende melodieë en sterk verhoogteenwoordigheid.
Volg Kerk Straat
Spotify : Kliek Hier
Facebook : Kliek Hier
Moenie dit Misloop Nie
Wat Kerk Straat uniek maak, is nie net hul kragtige klank nie, maar ook hul toeganklikheid. Die groep maak 'n punt daarvan om ná hul optredes tyd saam met aanhangers te spandeer en 'n regte konneksie te bou.
As jy vanjaar Aardklop besoek en van regte, eerlike Afrikaanse rock hou, is Kerk Straat se optrede op die feesterrein 'n afspraak wat jy beslis op jou rooster moet sit. Kaartjies vir die Aardklop-feesterrein is vooraf beskikbaar via Webtickets, by Pick n Pay-winkels, of by die feeshekke in Potchefstroom.
Luister na hul amptelike musiekvideo vir Kerk Straat - MK Dae op YouTube om te hoor watter unieke, nostalgiese rock-klank hulle na die Aardklop-verhoog bring.
Feesterrein: Inligting
Ons feesterrein op die oewer van die Mooirivier bied samesyn, kos- en kunsvlytstalletjies van uitstaande gehalte en vermaak vir die hele gesin. Veilige en gerieflike parkering naby die terrein is ingesluit, vanaf Hennie Bingle-straat se ingang.
Datums en tye: 29 September tot 3 Oktober 09:00-20:00Terreinkroeg: 11:00-23:00
🎟️ Toegangskaartjies: Seatme.co.za
Aardklopkantoor by The Roots, of by die ingangshekke tydens die fees.
GEEN KONTANT sal by die ingangshekke of kantoor aanvaar word nie.
Dagkaartjie: R80 (Dinsdag en Woensdag), R120 (Donderdag, Vrydag en Saterdag)
Weekkaartjie: R350
Kinders o.12: Gratis
Die kinderspeelpark sal daagliks vanaf 29 September tot 3 Oktober tussen 09:00 en 21:00 oop wees.Geen kinderoppasdiens is beskikbaar nie!
Toegangskaartjies sal by die ingang van die speelpark beskikbaar wees met kontant- en kaartgeriewe.
Kostes sal nader aan die fees op die webblad beskikbaar wees.
Comments