Die Goue 100 Finale: ’n Muntstuk wat harte én geskiedenis vasvang
- Charlene Bekker
- Nov 12
- 2 min read
Dit was letterlik ’n goue jaar vir versamelaars en beleggers. Sedert die eerste
Afrikaans is 100-herdenkingsmunte vroeër vanjaar onthul is, het die belangstelling
rondom hierdie unieke erfenisstukke net gegroei.
Wat begin het as ’n viering van ’n eeu van Afrikaans as amptelike taal, het vinnig
ontwikkel in een van die mees opwindende suksesverhale in Suid-Afrikaanse
numismatiek.
’n Blink Belegging – Afrimunte Styg Saam met Edelmetaalpryse
Die beperkte Afrimunt-versameling, gemaak uit goud, silwer en brons, het ’n merkwaardige styging in waarde getoon, wat die wêreldwye groei in edelmetaalpryse weerspieël. Oor die afgelope ses maande het goud met 16% gestyg, terwyl silwer met ’n verstommende 41% gespring het. Munteienaars is in hul noppies.
“Dit is nie net ’n belegging nie, dit is om ’n stukkie geskiedenis te besit,” vertel een van die eerste versamelaars trots terwyl hy sy goue AfriKoin blink poets.
Die Goue 100 Finale – ’n Rekordbrekende Veiling in die Maak
Die eksklusiewe reeks van slegs 100 goue munte is vroeg in die jaar vinnig deur gretige beleggers en versamelaars opgekoop. Nou val die kollig op Die Groot Nommer - Munt #100, die laaste en mees gesogte stuk in die reeks. Hierdie munt sal op 15 November onder die hamer gaan tydens ’n privaat veiling, aangebied in samewerking met Laeveld Agrochem, en saamvallend met die Afrikaans is Groot konsertreeks.
Voorbiebod is reeds oop via Bassanis Auction House, en die spanning bou op. Sal Die Goue 100 Finale ’n rekordprys vir ’n 1 oz goue munt haal?
Herleef die Magie van Afrikaans is Groot – ’n Eeufees om te Onthou
As die massiewe skares wat die SunBet Arena vir die Afrikaans is 100 Groot konsert gevul het enige aanduiding is, kan die entoesiasme vir hierdie kulturele skatstuk dalk weer geskiedenis maak. Vir diegene wat nie ’n goue uitgawe kon bemagtig nie, is daar steeds ’n beperkte hoeveelheid silwer- en bronsmunte beskikbaar vir voorafbestelling by www.afrikaansis100.co.za, www.wowbuy.co.za en by die naweek se Afrikaans is Groot konserte vir die wat dit bywoon.
Moenie jou kans mis om geskiedenis te sien gebeur,of self deel daarvan te word nie.
Plaas jou bod vir Munt #100 hier:
Comments