Die Nuwe Ou Padstal hou Oktober Mark - 11 Oktober

Die Nuwe Ou Padstal, langs die R59 tussen Vredefort en Parys, maak reg vir sy Oktober Mark op Saterdag, 11 Oktober 2025. Dis daai tyd van die jaar wanneer almal bietjie lus raak vir kuier, eet en koop, en dis presies wat hier gaan gebeur.

Van 08:00 die oggend tot jy moeg is vir ons, soos die plakkaat belowe, is daar iets vir almal. Bring jou familie, nooi jou vriende en kom loer bietjie rond tussen die tafels vol plaasvars produkte, handgemaakte geskenke en lekker eetgoed.

Gratis Staanplek vir Uitstallers

Vir die wat graag hul eie goedjies wil uitstal, is daar goeie nuus: staanplekke is gratis. Dis die ideale kans vir plaaslike entrepreneurs, bakkery-baasies, tuiniers en handwerkers om hul produkte te wys en dalk ’n paar rand te maak.

As jy belangstel om uit te stal, kan jy vir Carina of Hannelie kontak by

📞 082-423-2530 of 076-638-4246.

Waar en Wanneer

📍 Nuwe Ou Padstal, R59 tussen Vredefort en Parys

📅 Saterdag, 11 Oktober 2025

🕗 Vanaf 08:00

Die Nuwe Ou Padstal se Oktober Mark is nie ’n groot “fancy event” nie , dis meer die tipe mark waar jy mense groet wat jy lanklaas gesien het, waar kinders hardloop met roomys in die hand en waar iemand altyd te veel tamaties koop omdat dit “so mooi rooi” lyk.

Dis basies ’n bietjie plaaslewe, ’n bietjie dorp, en baie lekker. En ja, bring kontant, want nie almal het SnapScan nie.