Die Potch Dienssentrum Basaar

Amanda Bekker
Feb 6
2 min read

Dit is weer daardie tyd van die jaar waar die reuk van braaivleis en pannekoek die lug in Potch gaan vul. Die Potchefstroom Dienssentrum skop dinge af op Dinsdag, 10 Februarie 2026, met hul groot basaardag. As jy lus is vir goeie kos en ’n lekker kuier, is Chris Hanistraat 90 die plek waar jy wil wees.

Die pret begin Dinsdag al om 09:00 en hou aan tot so 13:00. Of jy nou vinnig wil inhardloop vir middagete of ’n bietjie langer wil vertoef tussen die uitstallers, almal is welkom. Toegang is heeltemal gratis, so daar is geen rede om honger by die huis te sit nie.

Wat is op die menu?

’n Basaar is natuurlik niks sonder sy kos nie, en die pryse is gelukkig nog billik. Hier is ’n vinnige oorsig van wat jy kan opraap:

Die klassiekers: Jy kan nie verkeerd gaan met ’n pannekoek vir slegs R7.00 nie. Vir die groter honger is daar boereworsrolle, jaffels of hoendersosaties teen R35.00 elk.
Iets tradisioneel: Vir diegene wat hou van regte boerekos, is daar pap en kaiings vir R40.00 of kerrie en rys vir R50.00.
Lewerkoekies: Jy kan lewerkoekies op hul eie koop vir R25.00 of saam met pap vir R35.00.
Iets vir later: Daar is ook wraps teen R45.00 en poeding vir R30.00.

Plaas solank jou bestellings

Hier is die belangrike deel: as jy nie Dinsdag kans kry nie, is daar weer ’n spesiale "Kry & Ry" op Vrydag, 13 Februarie.

Die sentrum vra dat mense solank hul bestellings plaas vir die Vrydag om seker te maak niemand mis uit op die bederf nie. Jy kan die bestelvorm invul of die kantoor direk kontak om jou kos te bespreek. Dit is die perfekte "take-away" opsie vir jou Vrydag-lunch.

Kontakbesonderhede

As jy jou bestelling wil plaas of meer wil weet, kan jy die Dienssentrum hier bereik: