Flatties en Moanies MTB: Kom trap saam, moenie kla nie

Op 31 Mei 2025 gaan jy stof wolke sien om die Miederpark Gemeente in Potchefstroom, en dalk so paar moanies ook hoor – met die Flatties & Moanies MTB resies. Die naam sê mos klaar: dis vir dié wat hou van trap, en dié wat dalk bietjie kla, maar tog kom opdaag.

Waar en wanneer

Die aksie skop af by Miederpark Gemeente, Aarbeilaan 22 in Miederpark. Registrasie begin skerp om 07:00 die oggend, so moenie laat wees en dan moan nie.

Die resies-opsies

Jy het twee keuses, afhangend van hoe dapper (of fit) jy voel:

• 38km MTB Race – R100 per deelnemer, minimum ouderdom is 15 jaar. Dié een begin om 08:00. Dis ‘n lekker stuk grondpad, so bring water, wilskrag en dalk ‘n ekstra paar bene.

• 15km MTB Race – R50, minimum ouderdom is 8 jaar. Hierdie een skop af om 08:10. Perfek vir die jongspan of die wat net bietjie wil rondtrap sonder om longverlamming te kry.

Belangrik: No Helmet, No Ride

As jy dink jy gaan opdaag sonder ‘n helmet – dan’s jy rêrig op die verkeerde event. Dis nie onderhandelbaar nie. Geen helmet, geen trap. Klaar.

Vrae? Bel Willie of Madelein

As jy nog vrae het oor inskrywings of net wil weet of daar koffie gaan wees (ons hoop so), kan jy een van die organiseerders kontak:

• Willie Ackerman: 083 283 4421

• Madelein Geldenhuys: 076 834 7598

Dis altyd lekker om te sien hoe Potch se gemeenskap saamtrap – letterlik en figuurlik. Hierdie MTB event is nie net vir die hardcore fietsryers nie, maar ook vir families en beginners wat net ‘n lekker oggend buite wil spandeer. En as jy kla, moenie worry nie – jy is by die regte plek.

Sien jou daar!