Gimmie-kunste in die kollig
- Yolandi Botes
- Nov 12
- 1 min read
🎭🌟🎭🌟🎭🌟🎭🌟🎭🌟🎭🌟
Potchefstroom Gimnasium is ongelooflik trots op een van sy uitblinkers in die kunste: Nicoléne Minnaar, ’n graad 11-leerder, wat op 25 Oktober by die Fast Forward-danskompetisie in Rustenburg uitmuntend presteer het!
Nicoléne het met selfvertroue en styl die verhoog betree en haar indrukwekkende talent aan die wêreld gewys. In al vier haar solodanse het sy ’n merkwaardige punt bo 90% behaal , ’n bewys van haar tegniek, kreatiwiteit en toewyding aan die kunsvorm. 🌟
Saam met haar sussie, Wilmari Minnaar, het sy ook in die duet-afdeling geskitter en hul sinergie op die verhoog het duidelik ’n indruk gemaak. As gevolg van haar uitstaande prestasie, is Nicoléne met vier medaljes bekroon vir haar solodanse, en het sy in die finaal van die kompetisie met ál haar danse meer as 90% aangeteken. 🎖👏
Die kersie op die koek? Nicoléne is aangewys as die algehele danswenner van die kompetisie, met die hoogste punt van 96%! Baie geluk, Nicoléne! Jy beliggaam alles waarvoor ons as skool staan: uitnemendheid, potensiaal, en passie. Ons sien uit na wat die toekoms vir jou inhou in die wêreld van dans! 💙
🎭🌟🎭🌟🎭🌟🎭🌟🎭🌟🎭🌟
Comments