Habitat hou kreatiewe werkswinkel vir plaaslike kunstenaars in Potch - 23 Augustus

As jy hou van verf, plakkers, teksture en bietjie mors op ‘n kreatiewe manier, dan moet jy dalk jou kalender merk vir 23 Augustus 2025. Habitat Potchefstroom bied ‘n “Canvas Mixed Media” werkswinkel aan wat beloof om iets anders te wees as net ‘n gewone Saterdagoggend.

Wat gebeur daar?

Dié werkswinkel is ‘n praktiese sessie waar deelnemers kans kry om met verskillende materiale en style te werk, jy kry een groot canvas van 60cm x 75cm en nege klein canvasse (elkeen 15cm x 15cm). Basiese benodigdhede word voorsien, maar jy kan ook jou eie versierings of tekstuur-elemente aankoop in die winkel as jy dinge wil spice up.

Praktiese inligting

• Datum: 23 Augustus 2025

• Tyd: 08:00 – 13:00

• Plek: Habitat Potch, 10 Fleishackstraat, Potchefstroom

• Prys: R495 per persoon

• Besprekings: Skakel 018-294-5008

Vir wie is dit?

Hierdie werkswinkel is ideaal vir beginners, mense wat al lank nie ‘n kwas gehou het nie, of selfs vir daai een tannie in die familie wat altyd iets kreatiefs op haar kombuistafel aanmekaar sit. Dis ‘n lekker outing vir vriende, of selfs net vir jouself as jy bietjie me-time soek.

Dis nie elke dag dat jy met paint, papier en inspirasie kan speel sonder om skoon te maak nie. Habitat gee jou die spasie om bietjie kreatief te raak sonder druk. En wie weet, dalk loop jy daar weg met ‘n kunswerk wat jy sommer self aan jou muur wil hang.

So as jy lus is vir iets anders as ‘n mall-trippie of TV-binge, oorweeg dié werkswinkel. Net, moenie te lank wag nie, plekke is beperk en daai canvas gaan nie homself verf nie.