Jay du Plessis kuier by Udolpho – Musiek, kos en lag in Parys - 26 Julie

Op Saterdag, 26 Julie 2025, gaan dinge behoorlik roer by Udolpho Rivierplaas net buite Parys. Jay du Plessis, een van Suid-Afrika se geliefde sangers, maak 'n draai en beloof om die winterkoue met lekker musiek en ‘n warm atmosfeer te verdryf.

Waar en wanneer?

Die hek maak oop om 16:00, en die aand se vermaak gaan aan tot die sterre behoorlik skyn. Dis alles op Udolpho, ‘n gewilde venue aan die Vaalrivier, perfek vir families, vriende en daardie tannie wat altyd eerste op die dansvloer is.

Pryse en kaartjies

• Hier’s wat jy moet weet oor toegang:

• Volwassenes: R200 per persoon

• Laerskoolkinders: R50

• Kinders onder 3 jaar: Gratis toegang

Kaartjies is beskikbaar deur 079 780 6611 te kontak, jy kan sommer WhatsApp ook. Dis reg, geen ingewikkelde aanlyn bookings of QR-kodes wat nie werk nie.

Kos, stalletjies en kindervermaak

Vir die wat nie net vir die musiek kom nie, daar gaan stalletjies wees teen R350 elk. Jy’s welkom om jou eie goed te kom verkoop (of koop, as jy net lus is om te browse en bederf). Kos en drankies gaan volop wees, en daar’s selfs vermaak vir kinders, sodat die grootmense hul eie jol ook kan hê sonder om elke vyf minute “waar’s die kind?” te vra.

Dis vir ‘n goeie doel

Hierdie hele dag is deel van ‘n fondsinsameling vir ‘n NPO, so jou kaartjie koop meer as net toegang tot musiek, jy help ook waar dit saak maak.

As jy beplan het om daai Saterdag in jou sloffies te sit met netflieks, kanselleer. Kry vir jou ‘n kampstoel, trek jou skoene aan wat lekker dans, en bring die hele gesin. Jay gaan sing, jy gaan lag, en wie weet, dalk sien jy daai ou van Hoërskool weer.