Klits Jou Man se Eiers: Timothy Kieswetter bring stout en snaaks saam na Potch - 9 September

’n Ladies Night met ’n verskil

Op Dinsdag, 9 September 2025, maak Potchefstroom plek vir ’n aand van lag, lewenswaarhede en ’n bietjie stoutigheid by die Featherhill Hotel. Timothy Kieswetter bring sy gewilde vertoning, "Klits jou man se eiers", na die stad en die tema is duidelik: vroue, mans, en alles tussenin wat huwelike lekker en lastig maak.

Wat gaan aan met daai eiers?

Die show se titel is genoeg om 'n mens twee keer te laat kyk, maar agter die tong-in-die-kies humor steek daar 'n boodskap. Timothy gooi nie net grappe rond nie, hy vat ook ernstig oor die realiteite van verhoudings. Want kom ons wees reguit: party dae wil jy net jou man se eiers platdruk. Maar dalk is daar 'n ander manier om by hom uit te kom, een wat dalk ’n sunny-side-up los eerder as scrambled chaos.

Timothy Kieswetter se benadering

Bekend vir sy ongefilterde styl, gooi Timothy lig op die taboes van die lewe, veral die wat met seks, huwelik en verhoudings te doen het. Sy doel? Om vroue te help verstaan dat die pad na verandering nie altyd deur skree en stoomkom nie, maar dalk deur klits, nie kraak nie.

Hy gebruik humor om swaar waarhede maklik verteerbaar te maak, en dis juis daardie balans wat sy shows gewild maak, reguit, maar nie veroordelend nie. Dis duidelik: hierdie is nie ’n aand vir sensitiewe ore of voorgee nie.

Event details vir die girls-night-out

• Datum: Dinsdag, 9 September 2025

• Tyd: Deure open 18h30, show begin 19h00

• Plek: Featherhill Hotel, Dagbreek Landgoed Uitbreiding 1133, Potchefstroom

• Prys:

  • Gewone kaartjie – R220

  • VIP kaartjie – R300 (ingesluit: gereserveerde sitplek op 'n tafel van 10 én 'n Gesonde Seks Voucher)

  • Kaartjies beskikbaar by: https://itickets.co.za/events/482989

Dress-up Party vibes

Dis nie net ’n show nie, dis ’n dress-up party. Vrouens word aangemoedig om ’n effort te maak, saam te lag, selfies te neem en sommer bietjie uit te span. Hierdie is daai tipe aand waar jy jou skoene uitskop, jou vriendinne saamsleep en jou man los by die huis met sy eie eiers.

Of jy nou voel jou huwelik kort bietjie sout, of jy wil net bietjie ligter kyk na die realiteite van verhoudings, Klits Jou Man se Eiers is vir jou. Hierdie is nie ’n preek nie, dit’s ’n party met perspektief.

So as jy gereed is om te lag, leer, en dalk iets nuuts probeer in die slaapkamer (of kombuis), sit daai rooi lipstiek aan en klim in die kar Featherhill Hotel toe.

Image: Facebook: Timothy Kieswetter Shows