Lag is die beste medisyne vir die - Lekkerte en Gekkerte van Vrouwees

Amanda Bekker
3 hours ago
2 min read

Vroue van Potchefstroom en omgewing kan solank regmaak vir ’n aand waar die lagspiere behoorlik gaan werk. NG Welsyn Potchefstroom bied op 12 Junie 2026 ’n spesiale kuieraand aan wat fokus op alles wat vrouwees terselfdertyd so lekker en so "gek" maak.

Die hoofattraksie van die aand is die bekende pretprater, Elsabé Aldrich. Elsabé is glad nie ’n vreemdeling op Suid-Afrikaanse verhoë nie en is al vir meer as twee dekades bekend vir haar unieke manier om humor met lewenswysheid te meng. Sy glo vas aan die genesende krag van lag en is bekend vir haar dramatiese uitrustings en energieke vertonings.

Meer as net ’n praatjie

Hierdie is nie jou tipiese formele lesing nie. Elsabé verkies die term "pretprater" bo motiveringspreker, juis omdat sy nie glo in preek nie. Sy kombineer geestigheid met geestelike insigte en fynkam gereeld suksesliteratuur vir praktiese wenke oor verhoudings en hoe om innerlike oorwinning te behaal.

Gaste kan uitsien na ’n volwaardige "show" waar sy die draak steek met die alledaagse uitdagings van vrouwees, maar ook waardevolle lesse deel oor hoe om nie deur die lewe "papgeklap" te word nie.

Sop, broodjies en goeie geselskap

Die aand gaan oor samesyn. Dit is die ideale geleentheid om jou vriendinne, ma, dogter, ouma of tannie saam te bring. Die Snowflake Teater gaan die plek wees waar vroue van alle ouderdomme saam kan kom ontspan.

Om die koue te verdryf, sal daar heerlike warm sop en broodjies bedien word, wat by die prys ingesluit is. Daar sal ook ’n kontantkroeg beskikbaar wees vir diegene wat lus is vir ietsie ekstra om die keel te nat te maak.

Belangrike Besonderhede