LiggieFees vier 10 jaar van liggies en musiek in Potchefstroom
- Amanda Bekker
- Sep 16
- 2 min read
LiggieFees@Potch is terug vir sy tiende jaar en dit beloof om weer Abraham Kriel Kinderhuis vol lig en musiek te maak. Die fees word by die Abraham Kriel Kinderhuis aangebied en elke kaartjie help om die versorging van sowat 230 kinders te ondersteun. Wat in 2015 begin het as ’n klein fondsinsameling het nou gegroei tot die grootste fees in Potch, met byna ’n halfmiljoen mense wat al deur die hekke gestap het.
Datums en tye
Die fees loop van 28 November tot 31 Desember 2025. Deure maak elke aand oop om 18:30 en sluit om 22:00. Dis genoeg tyd om die liggies rustig te geniet.
Kaartjies en pryse
Gewone toegang is R50 per persoon, wat jou toegang gee tot die liggies en die musiek.
As jy bietjie meer gemak soek, is daar ’n VIP area teen R500 per persoon. Dit sluit in:
VIP parkering
Sitplek naby die verhoog
Kos en drankies ingesluit
’n Privaat kroeg
Program en kunstenaars
Die lys kunstenaars is lank en divers, van gevestigde name tot jong stemme. Hier is net ’n paar hoogtepunte:
28 Nov: Steve Hofmeyr
29 Nov: Snotkop
3 Des: Appel
5 Des: Tamlyn Wessels
6 Des: Juanita du Plessis
10 Des: Bobby van Jaarsveld
11 Des: Armand Hofmeyr
12 Des: Kurt Darren
13 Des: Riaan Benadé
15 Des: Bernice West
16 Des: Jo Black
17 Des: Ruhan du Toit
19 Des: Droomsindroom
20 Des: Robbie Wessels
23 Des: Ruan Josh
26 Des: Irene-Louise van Wyk
27 Des: Ricus Nel
En dit is net die program. As jy dink jy gaan jou gunsteling mis, skryf sommer nou al die datums in jou diary.
Liggies met ’n boodskap
Die fees gaan nie net oor liggies en musiek nie. Elke vonkel het ’n groter betekenis, jou besoek dra by tot die lewens van die kinders by Abraham Kriel Kinderhuis. Dis ’n kombinasie van feesviering en gee, waar Potch se mense saamstaan om hoop en vreugde te deel.
Praktiese inligting
Plek: Kruisstraat, Potchefstroom Rural 2, Potchefstroom
Webwerf: www.liggiefes.co.za
Facebook: LiggieFees@Potch
Telefoon: 018-294-5347 of 084-605-5374
LiggieFees se 10de verjaarsdag gaan nie net onthou word vir die musiek en liggies nie, maar ook vir die impak wat dit maak. Soos hulle self sê: dis nie net ’n fees nie, dis ’n manier om lig aan ander te bring.
Comments