M.L. Fick Kekkel en Kraai Wiele-Dag: Potch maak reg vir 'n lekker rol - 9 Mei

Dis weer daai tyd van die jaar waar die wiele rol, die pannekoek spat en die spookasem klou aan alles behalwe jou mond. M.L. Fick Kekkel en Kraai hou hul jaarlikse Wiele-Dag op Vrydag 9 Mei 2025 om 16:30 by Hoër Volkskool (oftewel "Volkies") en dis ‘n dag wat beloof om net soos altyd, ‘n bietjie mal en baie snaaks te wees.

Wat’s die plan?

Wiele-Dag is ‘n fondsinsamelingsdag vir jonk en oud, en almal word aangemoedig om deel te neem met enige iets wat wiele het, solank dit nie 'n enjin of battery het nie. Dink: skopfietse, Jolly Trolly’s, kruiwaens, stootwaentjies, driewiele, fietse of sommer jou eie DIY-wiele. Net nie motorfietse nie, asseblief.

Die groot reël? As dit rol sonder petrol, is jy in.

Belangrike datums en plek

Datum: 9 Mei 2025

Tyd: 16:30

Plek: Hoër Volkskool, 41 Kruisstraat, Potchefstroom

Registrasie: Kontak die kantoor of stuur ‘n e-pos

Reëls vir deelname

Dis nie net ‘n parade van wiele nie, daar’s pryse op die spel. Maar om mee te ding moet jy:

• ‘n Naam hê vir jou wiele

• ‘n Thema kies

• Mooi versiering hê

• Maak dat jou wiele lawaai

• En natuurlik, wys wie’t die meeste gees in hul span of gesin

Buitemense sal die beoordelaars wees, so dis nie ‘n popularity contest nie, jy moet uithaal en wys.

Wat wag vir deelnemers?

• Groot pryse vir die wenners

• Medaljes vir almal wat klaarmaak

• En natuurlik:

  • Koeldrank

  • Pannekoek

  • Boereworsrolle

  • Spookasem

  • Speelgoed

En bietjie motorkyk saam met Eastvaal Motors

Dis ‘n dag vir die hele familie, of jy nou kom om mee te doen of net vir die vibes.

Kontakbesonderhede

• Telefoon: 018 293 0115

• E-pos: potchhekkelenkraai@gmail.com

So bring jou fiets, jou kruiwa of jou kreatiewe wiele-eksperiment. En moenie vergeet om ‘n naam en ‘n bietjie attitude saam te bring nie. Wiele-Dag is nie net ‘n kompetisie nie, dis Potch se manier om bietjie te rol voor die winter kom.