Nasionale Slagos Kompetisie Potch - 15 Oktober

Die Mooirivier Studiegroep is behoorlik opgewonde, dis tyd vir die Nasionale Slagos Kompetisie in Potchefstroom. Daar word groot voorberei om boere, studiegroeplede en vleis-entoesiaste bymekaar te bring vir twee dae van beoordelings, geselsies en natuurlik ‘n lekker vleisie op die kole.

Wanneer en waar gebeur die aksie?

Die hoef beoordeling vind plaas op Woensdag 15 Oktober 2025 om 09:00, en die karkas beoordeling volg op Donderdag 16 Oktober 2025. Alles gebeur net buite Potchefstroom, halfpad op die R53 na Ventersdorp (vir die GPS-mense: S26°30.985' E026°59.639').

Wat om te verwag

Die dag is beslis nie net vir kenners nie. Die Mooirivier Studiegroep nooi almal uit om saam te kom kuier, leer saam, lag saam en braai saam. Dis ‘n geleentheid om met ander produsente te gesels, ‘n ding of twee oor vleisgehalte op te tel, en sommer net die plaasatmosfeer in te asem.

Watter rasse is ingeskryf?

Van die beste beesrasse in Suid-Afrika gaan hul staal wys. Hierdie jaar sluit die kompetisie onder meer in

• Simbra

• Boran

• Simmentaler-kruis

• BeefMaster

• Short Horn

• Santa Gertrudis

• Sussex

• Senepol

• Bonsmara-kruis

Dis ‘n bietjie van alles, van tradisionele tot nuwe kruisrasse wat vir die slagosmark aangepas is.

Hoe om in te skakel

Vir meer inligting, kan jy gerus een van die organiseerders kontak:

• Awie Barnard: 071-382-8490

• Victor Lourens: 083-279-1206

• Mari Roets: 084-601-0263

Dis nie net oor vleis nie,dis oor mense wat nog weet hoe om met die hand te groet, saam te lag en ‘n gemeenskap te bou rondom goeie beesvleis en beter geselskap.

So, as jy êrens naby Potch is in Oktober 2025, ry gerus deur. Dis dalk nie die Aardklop Opskop nie, maar dis definitief ’n dag wat jou sal laat glimlag oor die plaaslewe, en dalk ‘n nuwe resep vir steak gee.