OAKtober Family Fun Run keer terug in 2025

Amanda Bekker
Sep 18
2 min read

Die OAKtober Family Fun Run gaan weer plaasvind in Potchefstroom na die sukses van verlede jaar se eerste byeenkoms. In 2024 het sowat 1 200 mense deelgeneem, en die groot belangstelling het gelei tot die besluit om dit ‘n jaarlikse gebeurtenis te maak. Die Fun Run is ‘n samewerking tussen die Eikelaan Belangegroep en Potchefstroom Central School.

Gemeenskap en gesondheid

Die dag se doel is om die Eikelaan se geskiedenis te vier en die gemeenskap bymekaar te bring. Soos in 2024, is daar weer planne vir ‘n “candy hunt” en ‘n “fun dress” tema. Dit gee deelnemers van alle ouderdomme die kans om deel te neem op ‘n informele manier, of dit nou vir pret, gesondheid of net om saam met familie en vriende te stap of draf.

Besighede kry ook kans om betrokke te wees

Organiseerders nooi weer plaaslike besighede, instansies en organisasies uit om stalletjies langs die roete op te rig. Elke stalletjie kos R250 en bied ‘n manier om direk met die gemeenskap te skakel. Deelnemers kry ook iets ekstra, van lekkers tot klein geskenkies, terwyl besighede sigbaarheid kry en die gees van samewerking versterk word.

Hoofborg bring ekstra dekking

Die Go-To-Guy is vanjaar die hoofborg van die geleentheid. Dit beteken dat die Fun Run meer blootstelling sal kry, onder andere deur video-opnames, onderhoude en media-dekking. Dit kan help om nie net die Fun Run self te bevorder nie, maar ook die betrokkenheid van al die ondersteunende besighede en organisasies.

Sleutelinligting vir deelnemers en belangstellendes

Datum: Saterdag 18 Oktober 2025
Tyd: 07:00 – 09:30
Wegspring: 07:30 vanaf Cachetpark CID
Roete: Cachetpark tot by die Dam Ontspanningsoord en terug
Verwagte deelnemers: ongeveer 2 000 mense

Besighede wat belangstel om ‘n stalletjie op te rig of op ‘n ander manier betrokke te wees, moet voor 3 Oktober 2025 laat weet. Aansoeke kan ingevul word op die aanlynvorm:

Raak Betrokke

Vir enige vrae kan belangstellendes kontak maak met Jolita by 082-775-8477 of Danell by 083-751-7336, of ‘n e-pos stuur na eikelaanpotch@gmail.com