Pannekoek, Praise en Potchefstroom Pret: Oase van Hoop vat dit ernstig 2 Augustus

Dis amper weer daai tyd van die jaar wanneer jy wettig pannekoek vir ontbyt, middagete én aandete mag eet sonder enige oordeel. En dié keer is dit vir ‘n goeie doel: Oase van Hoop AGS in Baillie Park, Potchefstroom, hou ‘n musiekspan-fondsinsameling op 2 Augustus 2025. Die naam van die spel? Pannekoeke, baie pannekoeke.

Wie’s die baas van die beslag?

Die kerk se musiekspan wil hul klanktoerusting en verhoog opgradeer (want jy weet mos, daai microfoon wat altyd sukkel om te werk is nou regtig op sy laaste bene). So, hulle gaan pannekoek bak, en dis nie sommer net twee of drie nie. Ons praat van tot 50 pannekoeke op ‘n slag. Dis ernstig.

Jy kan kies tussen:

• 3 pannekoeke vir R20

• 6 vir R40

• 9 vir R60

• 12 vir R80

• 15 vir R100

• 18 vir R120

• 24 vir R160

• Of sommer ‘n hele 50 vir R330

Wanneer en Waar?

Die pannekoek-proses begin Saterdag 2 Augustus 2025 vanaf 09:00 tot 13:30 by:

18 Wynne Straat, Baillie Park, Potchefstroom

Jy kan jou bestelling kom afhaal by die kerk, óf, as jy bederf wil wees, hulle bring dit vir jou. Net R30 vir aflewering binne Potch. Dis goedkoper as Uber Eats én jy kry nie ‘n soggy burger nie.

Hoe bestel mens nou weer?

Maklik. Klik op die volgende skakel en vul die Google Form in:

👉 Bestel jou pannekoeke hier

Maar moenie slaap nie, bestellings moet in wees voor Vrydag 1 Augustus om 17:00. Anders gaan jy net daar staan, sonder pannekoek en met ‘n honger hart.

Kom eet pannekoek, ondersteun ‘n kerk wat probeer beter klank bring vir hul mense, en kry sommer jou suiker-fix in een slag. Dis plaaslik, dis lekker, en dis vir ‘n doel groter as jou maag.

Potch, julle weet mos, ons support mekaar. Sien jou (en jou pannekoek) daar.