Potch Geesfees Wynroete Bring Kaapse Smake na die Noordwes

’n Proe van die Kaap in Potchefstroom

Op 30 Augustus 2025 gaan Potchefstroom se mense voel of hulle sommer vinnig Kaap toe gevat is, maar sonder die N1-trafiek of ’n vliegtuigkaartjie. Die Geesfees Wynroete, met trots aangebied deur Suidsentrum Wine Affairs, is terug, en vir R100 kan ’n mens jou glas vat en die hele dag wyn proe by meer as 16 plase en oor die 60 verskillende wyne.

Hoe werk dit?

’n Kaartjie kos R100. Dit gee jou toegang tot die hele wynroete, ’n eie glas om saam te neem en die vryheid om elke plaas te besoek. Dis eenvoudig: koop jou kaartjie, kry jou glas en stap van plaas tot plaas.

Die eerste wynplase wat bevestig is

Die wynroete het ’n paar groot name wat bekend is vir hul wyn, styl en stories:

• Stellenzicht – Hier gaan dit oor grond en klimaat. Mooi geselskap vir iemand wat hou van diep gesels oor grond en wingerde.

• Tulbagh Winery – Hierdie plek glo dat diversiteit in druiwe die geheim is. Hul fokus is op vrugtige blends wat wys hoekom Tulbagh bekend staan vir warmte en gasvryheid.

• Simonsvlei – Hulle beskryf hulself as wynmakers met ’n gewete, wat met selfvertroue bedien. Dis wyn met karakter, maar ook maklik om te drink.

• Robertson Winery – ’n Klassieke naam in die wynwêreld. Hier gaan dit oor die handewerk van wynmaak: van die grond, tot die water, tot die oes. Alles tel.

• Robertson Mimosa Sparkling Spritzer – Dis nie net wyn nie, maar ook ’n vonkel spritzer met vars lemoensap-smake. Ideaal vir iemand wat iets lig en verfrissend soek.

Die vibe

Die wynroete beloof nie net proe-stasies nie, maar ook ’n kans om nuwe mense te ontmoet, stories te hoor en vir ’n dag lank jou bietjie van die Kaapse wynlande te kry, maar in Potch. Dis die tipe dag waar jy dalk begin met rooi, oorgaan na wit en eindig met ’n Mimosa spritzer, net omdat jy kan.

So, as jy wonder of dit die moeite werd is, dit is ’n dag van wyn, kuier en stories, en jy hoef nie eers Kaap toe te ry nie.

Kaartjies vir Potch Geesfees beskikbaar op Tixa