Potch Jeug Skitter op Alle Vlakke – Van Kultuur tot Sport

Yolandi Botes
Apr 30
3 min read

Updated: May 4

🎤🎾🏐🐎🏏 🎤🎾🏐🐎🏏 🎤🎾🏐🐎🏏

Potchefstroom se jong talent wys reg deur – of dit op die verhoog, die netbalbaan, perdry-arena of krieketveld is. Ons kyk na hoogtepunte van ons plaaslike skole.

Volkies Sing met Trots by Gimmies se Eisteddfod 🎶

Volkies het onlangs hul stemme laat hoor tydens Gimmies se jaarlikse Eisteddfod, en die uitslae spreek van harde werk en toewyding. In die Vokaal-kategorie het verskeie leerders uitstekend gevaar, met A- en selfs A+-toekennings.

Uitslae:

Ashley Viljoen – A, A
Nickus Oosthuizen – A+, A+
Martin Venter – A, A
Anja Botha – A, A+
Kayla Fourie – B+
Wynand Erasmus – A, B+
Daneske v.d. Berg – A
Ashley & Nickus (Duet) – B+

Baie geluk aan elke leerder – julle het regtig gewys wat in julle steek! 👏

Die Volkies se seuns-hokkiespanne het die afgelope naweek uitstekende hokkie gespeel by die finale van die NWU-reeks. Hulle het sterk vertonings gelewer met oorwinnings oor Marais Viljoen en Lichtenburg, en daarmee bevestig dat hulle ’n span is om dop te hou hierdie seisoen.

Maak ’n Verskil

Volgende week hou Hoër Volkskool Potchefstroom weer ’n bloedskenk-geleentheid en nooi alle leerders, ouers en die groter gemeenskap om saam te staan vir dié goeie doel.

Elke druppel bloed wat geskenk word, kan iemand anders se lewe red. Daarom vra Volkies se organiseerders dat almal wat kan, volgende week by die skool aansluit en hierdie belangrike poging ondersteun.

Olerato Maleke Gaan Noordwes Verteenwoordig in Netbal 🏐

Na ’n sterk vertoning by die Distrik-proewe het Olerato Maleke haar plek losgeslaan vir die Noordwes Netbalproewe. Dié prestasie is ’n weerspieëling van haar harde werk en toewyding aan die sport. Ons hou haar dop en wens haar alle sukses toe as sy volgende vlak aandurf. 💪

Karien van Wyk Blink Uit in NW SANESA-kompetisie 🐎

Potchefstroom Gimnasium se Karien van Wyk het haar ruitersvaardighede gewys tydens die NW SANESA kwalifiseringskompetisie. Sy het uitmuntende uitslae behaal in die 80 cm hoërskoolafdeling:

🥇 1ste plek in Skouspring
🥉 3de plek in Equitation
🥉 3de plek in Two Phase Jumping

Dié prestasies wys haar balans, beheersing en band met haar perd – alles sleutel tot sukses in ruitersport. Baie geluk, Karien! 🎉

Potchefstroom Gimnasium het ’n groot aanwins gemaak deur Gordon Parson as krieketafrigter aan te stel vanaf Mei. Hy bring jare se ervaring en ’n sterk fokus op prestasie-ontwikkeling.

Leerders sal ook die kans hê om aan te sluit by die Guts-Krieketakademie vir ekstra afrigting. Kontak krieketdirekteur Jandré Jacobs by 079 892 0150 vir meer inligting.

Netbalspelers Maak Hul Merk 🏐

Die Dr. Kenneth Kaunda netbalspanne is onlangs aangekondig, en drie van Baillies se plaaslike sterre gaan binnekort ons streek trots verteenwoordig by die Noordwes Proewe in Mei.

In die 0/12-span is Lienke Kotze gekies, terwyl Su-Ané Hayward en Euné Laubscher in die 0/13-span gaan deelneem. Ons wens hulle baie sterkte toe met hul voorbereiding – ons weet hulle gaan hul beste gee en sien uit om hulle in aksie te sien!

Jong Hokkiespelers Blink Uit 🏑

Die Noordwes Hokkiespanne vir 2025 is pas aangekondig, en ons plaaslike talent skitter behoorlik! Ons is trots op elke speler wat gekies is om ons te verteenwoordig.

0/12 Meisies:

Anja van der Westhuizen
Melicia Koekemoer
Selmay Taylor

0/12 Seuns:

Aldo Viljoen

0/13 Meisies:

Valri Janse van Rensburg
Marli Janse van Rensburg

Image: Laerskool Bailliepark

Hierdie spelers se harde werk en deursettingsvermoë het vrugte afgewerp, en ons kan nie wag om hulle binnekort op die veld te sien blink nie. Sterkte vir die voorbereiding wat voorlê – julle gemeenskap is agter julle elke tree van die pad!