StoormCares: Kersvader kom weer kuier in Potchefstroom!

Aandag Potchefstroom!

Die jaar se einde kom vinnig nader, en dit beteken dit is weer tyd vir ’n baie spesiale kuier. Kersvader en sy span maak gereed om die kinders van Potchefstroom te besoek en vir hulle geskenkies, lekkers en vreugde te bring.

Image : The Go-To Guy Creations

Vir baie kinders is hierdie Kersfees ’n dag waarna hulle maande lank uitsien. Dis nie net oor die geskenke nie - dis oor die liefde, die hoop en die glimlag wat Kersvader saambring. En ons as gemeenskap het die voorreg om deel te wees van hierdie wonderlike projek.

Hoe kan jy help?

Om hierdie jaar weer suksesvol af te sluit, het die Kersvader-span jou hulp nodig. Ons soek die volgende skenkings:

• 🍬 Lekkerny-pakkies (soetgoed en klein verrassings)

• 🧸 Bruikbare speelgoed

• 🐻 Teddiebere

• 💛 Finansiële donasies

Elke bydrae, hoe groot of klein ook al, maak ’n verskil in ’n kind se lewe.

Aflewerings punte en besighede

As jy ’n besigheid in Potchefstroom het en graag as ’n drop-off punt wil optree, sal ons dit opreg waardeer. Jou betrokkenheid beteken dat die gemeenskap makliker kan bydra en dat nóg meer kinders hierdie Kersfees die vreugde van gee en ontvang kan ervaar.

Image :The Go-To Guy Creations

Sluit aan by ons WhatsApp-groep

Wil jy deel word van die beplanning en nuus rondom die Kersvader-projek? Los net jou naam en nommer en ons voeg jou by die groep. Dis ’n eenvoudige manier om op hoogte te bly en prakties betrokke te raak.

Bankbesonderhede vir donasies

Vir diegene wat eerder finansieel wil bydra, kan dit gedoen word via die volgende rekening:

A.J. Kleinsmit

Capitec Spaarrekening: 2185 995 428

Verwysing: NPO 256-057

Kom ons maak hierdie Kersfees weer een van hoop, liefde en lig vir die kinders van Potchefstroom. Saam kan ons klein harte groot vreugde gee en glimlaggies skep wat lank sal hou.

Die Kersvader-span sê dankie aan elkeen wat jaar na jaar deel raak van hierdie spesiale projek. Ons kan nie wag om julle almal weer te sien nie!