Trap vir ’n Goeie Doel: Volkies Fietsry Spinathon - 23 September

Die eerste Volkies Fietsry Spinathon skop af op 23 September 2025 by Hoër Volkskool Potchefstroom. Die pret begin 17:30 voor die hoofgebou, waar die pedale warm getrap gaan word vir ’n baie goeie doel.

• Waar: Hoër Volkskool Potchefstroom, 41 Kruisstraat, Potchefstroom

• Wanneer: 23 September 2025, vanaf 17:30

• Kontak: 082 781 6185 | potchvolkiefietsry@gmail.com

Hoe Werk Dit?

• Elke span bestaan uit 4 tot 6 lede.

• Besighede en individue betaal R1 500 per span.

• Skolespanne betaal R500 per span.

• En ja, spanne trap net 60 minute. Dis nie die Tour de France nie.

  
  

Om jou span in te skryf, is daar ’n aanlynvorm wat sommer maklik via ’n Google Form voltooi kan word.

Wie Baie Daarby Wen

Die Spinathon is nie net ’n oefensessie met musiek en ligte nie. Die fondsinsamelings gaan alles ten bate van Solidariteit Helpende Hand Noordwes en natuurlik die Volkie-fietsry span self. Die geld help met studiefondse vir kinders in die Potchefstroom gemeenskap.

Waarom Trap?

Hierdie is ’n event waar almal welkom is, of jy nou ’n serious fietsryer is of een wat die laaste keer op ’n fiets geklim het toe “Knight Rider” nog op TV was. Dit gaan oor spangees, lag en ’n goeie doel.

So, of jy nou trap vir fiksheid, vir bragging rights of net omdat jy belowe het in die group chat, hierdie Spinathon gaan die wiele laat rol. ’n Uur se sweet, ’n klomp lag en ’n gemeenskap wat saamstaan.