VARSmark Potchefstroom: Kos, kaas en klomp karakter - 19 Julie

Potch se eie Saterdag-geheim

Dis weer daai tyd van die maand, nie dié wat jou stres nie, die lekker een: VARSmark in Potchefstroom. As jy nog nie daar was nie, mis jy ernstig uit. Hierdie mark gebeur op 19 Julie 2025, van 08:30 tot 13:00, op Bondstraat in Potch. En die beste deel? Dis heeltemal verniet. Ja, gratis toegang, mense.

Wat om te verwag

As jy ‘n fan is van plaaslike produkte, goeie kos en mense wat nog gesels soos ou vriende, dan gaan jy hier tuis voel. VARSmark spog met ‘n klomp stalletjies, jy kry vars vrugte en groente, eiers, kaas, vleis van elke soort (bees, hoender, vark, lam en skaap), handgemaakte produkte en natuurlik, ‘n stalletjie of twee met koffie wat jou wakker hou.

Uitstaller in die kollig: The Tiffan

Sedert Februarie 2023 is The Tiffan daar om jou smaakknoppies op ‘n wêreldtoer te vat, spesifiek Indië toe. Dis die huis van die beste samoosas in die kontrei, nie oordryf nie. Dis vars, spicy, en jy gaan teruggaan vir meer voor jy by jou kar uitkom.

Die Tiffan is ‘n familie-onderneming wat jou wys hoe smaak en liefde in ‘n stukkie deeg kan woon. Hulle maak ook ‘n klomp ander tradisionele Indiese disse wat hulle self voorberei. Jy proe die moeite.

Gunstelling? Duidelik die samoosas. As jy al daar was, weet jy.

Nog ‘n ster: Hello Daisy – Niche Dairy Products

As jy ‘n ding het vir kaas, en wie’t nie, gaan jy Hello Daisy se tafel nie sommer verbyloop nie. Louise, die dame agter die produk, bring al meer as 2 jaar lank volroom-geïnspireerde suiwelprodukte na die mark. Geen funny goed in nie, net melk, tyd en baie liefde.

Meer as 16 produkte is beskikbaar: kaas (allerhande soorte), jogurt, drinkjogurt, botter en selfs nageregkaas. Dis regtig ‘n kaasliefhebber se hemel.

Topverkoper? Die Labneh kaasballetjies, klein geurige balletjies wat perfek is op slaaie, beskuitjies, pasta of sommer net so. En hulle kom in glashouers, bring dit terug vir afslag, nogal slim.

Ander lekkertes op Louise se tafel:

Belper Knolle Braaikaas, truffel, knoffel en swartpeper. Moenie sê jy is ‘n braaiman as jy nie dié probeer het nie.

• Vyekaas, Whiskey & Karamelpeer met Donker Sjokolade Kaas, dit klink fancy, en dit is fancy. En lekker.

• Gorgonzola, Roomkase, Jalapeño kaas, en ander verrassings.

• Cheddar & Gouda (6 maande oud, daai een met karakter).

• Braai-Halloumi, dis die crunch wat jy soek op die rooster.

• En, op versoek: egte Italiaanse Ricotta, vars elke week.

In kort? Kom kuier, kom koop, kom eet. En as jy net daar wil ronddwaal en mense kyk, is dit ook heel aanvaarbaar. Dis Potch se eie dorpsmark met baie gees en nog meer geur.

Dis mos nou hoe ‘n mens ‘n Saterdag aanpak.