Volkies maak gereed vir Opedag 2025
- Yolandi Botes
- May 9
- 1 min read
🖤❤️💛🖤❤️💛🖤❤️💛
Hoërskool Volkskool se Opedag is om die draai, en die opwinding is duidelik voelbaar in Volkie-land! Hierdie jaar beloof om weer ‘n besonderse geleentheid te wees waar voornemende leerders en hul ouers eerstehands kan ervaar wat Volkskool so uniek maak.
Wat om te verwag
Die Opedag-program op 28 Mei is propvol aktiwiteite wat beide inligting en lekkerte kombineer:
📍 Koshuistoere: 16:00 – 17:00
📍 Skooltoere: 16:30 – 17:45
📍 Volkie-bekendstelling in die saal: 18:00 – 18:40
📍 Kuiergeleentheid en inligtingstalletjies: 18:45 – 20:00
Die toere gee besoekers die geleentheid om die koshuise en skoolgronde van nader te besigtig, terwyl die bekendstelling in die saal ‘n goeie oorsig gee van wat die Volkie-lewe behels.
Skryf vooraf in
Om die dag glad te laat verloop, word voornemende ouers en leerders aangemoedig om vooraf te registreer via die volgende skakel:
Deur vooraf te registreer, kry jy ook toegang tot verdere programinligting en belangrike datums rakende 2026-inskrywings.
’n Skool met trots en tradisie
Volkies staan bekend vir sy sterk kultuur van gemeenskap, trots en geleenthede. Die Opedag is die perfekte kans om deel te word van die Volkie Familie en self te sien hoekom soveel leerders en ouers hierdie skool hul keuse maak.
Jou tyd is NOU! Kom beleef die gees, die mense en die tradisie van Volkskool – ons sien uit om jou te verwelkom.
🖤❤️💛🖤❤️💛🖤❤️💛
Comments