Volkies Vier Nuwe Leierskap in Noordwes Hokkie!

Yolandi Botes
Nov 17
1 min read

🏑🎉🏑🎉🏑🎉🏑🎉🏑🎉🏑🎉

Volkies Potch is ongelooflik trots om aan te kondig dat ons eie Direkteur van Hokkie, mnr. Jaryd Hammond, onlangs verkies is as die voorsitter van Noordwes-seunshokkie vir 2026!

Hierdie prestasie is ’n ware erkenning van sy toewyding, kundigheid en leierskap in die ontwikkeling van hokkie, nie net by Volkies nie, maar regdeur die Noordwes-provinsie. Sy verkiesing beteken dat die toekoms van seunshokkie in Noordwes in bekwame en passievolle hande is.

Mnr. Hammond het oor die afgelope jare ’n enorme bydrae gelewer tot die groei van hokkie in ons streek. Onder sy leiding het Volkies se hokkieprogram van krag tot krag gegaan, en talle spelers het op provinsiale en selfs nasionale vlak presteer.