Vuurmaakvermaak by Abraham Kriel Kinderhuis - 24 September

Erfenisdag braai op 24 September 2025

Abraham Kriel Kinderhuis in Potchefstroom gaan Erfenisdag vanjaar op ’n lekker praktiese manier vier. Op Woensdag 24 September 2025 word daar ’n groot Erfenis braai gereël vir die kinders en versorgers by die kinderhuis.

Die tema is sommer reguit uit die braaivleisvuur uit: #Vuurmaakvermaak vir Kinders Onder Versorging.

Hoe kan jy help?

Die kinderhuis wil hê dat elke kind en versorger die dag as ’n feestelike braai kan ervaar, en daarom vra hulle ondersteuning. Hulle het ’n kort maar baie belangrike lysie saamgestel:

• Vleis of wors

• Hout of kole

• Brood of buns

• ’n Springkasteel vir die kinders

• Enige iets wat met Boere sport saamgaan en pryse kan hê

Met ander woorde: as jy ’n sak hout het wat lê en stof vergaar of jy het daai ekstra “boere games” idee, bring dit saam.

Kontakbesonderhede

Vir mense wat wil inspring om die dag moontlik te maak, kan kontak gemaak word met FPB Services:

• E-pos: fire@fpbservices.co.za

• Selfoon: 063-141-3730 of 062-178-5950

Of jy kan Caro by Abraham Kriel Kinderhuis self kontak by 084-605-5374.

Wat beteken dit?

Erfenisdag is mos eintlik Braaidag in Suid-Afrika, en dis presies wat hier gebeur. In plaas daarvan dat almal net by die huis vleis op die kole gooi, kan jy ’n verskil maak deur ’n paar kinders ’n dag van #braaigenot te gee.

So, as jy al beplan het om die kole aan te steek, maak seker jy deel sommer ’n bietjie daarvan met die kinders van Abraham Kriel. Want braaivleis smaak altyd beter as jy dit saam met ander kan geniet.