Winter Wyn Wandel Kom Potch Toe - Wat Jy Moet Weet - 30 Mei

Die NG Kerk Miederpark bring vir die heel eerste keer iets anders na Potchefstroom toe – dis die Winter Wyn Wandel @ Potch Miederpark, en dit gebeur op 30 Mei 2025 van 17:00 tot 21:00. Dis nie jou gewone kerkbasaar nie, hier gaan wynglase klink, mense kuier en 16 wynplase bring hul beste bottels saam.

Waar en Wanneer?

Die wynroete loop reg in Miederpark af, by Aarbeilaan 22, Potchefstroom. Dis ‘n Vrydagaand plan wat jy nie wil mis nie, geen formele rokke of deftige wynkenners nodig nie, net ‘n liefde vir goeie wyn en beter geselskap.

Wat kos dit?

Vir R250 per persoon kry jy:

• ‘n Geskenkpakkie

• ‘n Wynglas wat jy kan huis toe neem

• En natuurlik toegang tot al die wynproe van 16 verskillende wynplase

Die kaartjie is eintlik amper 'n winskoop as jy dink aan die hoeveelheid wyn wat op jou wag.

Waar koop jy kaartjies?

Daar’s twee plekke om jou kaartjie te kry:

• Die Miederpark Gemeente Kantoor by Aarbeilaan 22 (oop Maandag tot Vrydag, 08:00 – 13:00)

• Of Suidsentrum Blue Bottle (vir diegene wat dalk alreeds daar ‘n bottel of twee gaan koop het)

Hoekom jy moet gaan?

Hier’s nie speeches of formaliteite nie,dis ‘n kuier. Jy vat jou wynglas, loop van stasie tot stasie, proe wyn, vra vrae, en as jy gelukkig is, kry jy dalk ‘n nuwe gunsteling wynplaas. En moenie worry as jy nie al die wyne ken nie, dis juis die punt.

So ja, as jy in Potch is, of net lus is vir iets anders as braaivleis op ‘n Vrydagaand, sit hierdie een in jou kalender.

Tot dan, bring net jouself en ‘n goeie humeur. Die wyn sal die res doen.