Welkom by 'n spesiale episode van Stroom Stories! Vandag het Frans Joubert, die eienaar van The Go-To Guy, 'n onderhoud gevoer met die hele span van The Go-To Guy. Kom luister na die insiggewende gesprekke waar elke spanlid meer vertel oor hulle spesifieke rol en bydrae tot die span se sukses.

Anjanette bespreek die konsep en doelwitte van Stroom Stories, en hoe hierdie program gemeenskappe en individue inspireer. Pieter, ons verkoops persoon, deel sy ervarings oor die "Walk with Us" reeks en sy benaderings tot verkope. Amanda verduidelik haar werk met events, haar event kalender, en hoe sy fakture hanteer, wat alles bydra tot die gladde verloop van ons projekte.

Micayla vertel oor die kreatiewe proses agter die advertensies wat sy ontwerp en die veldtogte wat sy bestuur om maksimum impak te bewerkstellig. Johané, ons joernalis, gee 'n blik op haar werk met die Potch Gazette en haar rol in die verspreiding van belangrike nuus en stories. Quintin verduidelik die tegniese aspekte van ons webwerf en Stroom Stories, en deel sy insigte oor die ontwikkeling van ons nuwe app en die werk wat daarmee gepaard gaan.

Hierdie episode bied 'n diepgaande kyk na die innerlike werking van The Go-To Guy span en hul verskillende rolle en verantwoordelikhede. Moet dit nie misloop nie!