Aardklop 2025: Potch se Groot Fees is Weer Oppad - 7 - 11 Oktober
- Amanda Bekker
- Jun 26
- 2 min read
Potchefstroom maak reg vir ’n week van musiek, kos en chaos (die goeie soort)
Van 7 tot 11 Oktober 2025 gaan Potchefstroom weer bruis met kreatiwiteit, kuns en klomp mense wat mekaar op die feesterrein groet met: "Dis nou lekker om jou hier te sien!" Aardklop is terug, en dié keer is dit groter, makliker om by te kom, en daar’s selfs ’n springkasteel of twee vir die kinders.
Die Essentials
Wanneer: 7–11 Oktober 2025, elke dag 09:00 tot 21:00
Waar: NWU Jool Plaas, Potchefstroom
Toegang:
Dagkaartjie: R100
Weekkaartjie: R280
Kinders onder 12: Gratis (ja, jy lees reg)
Kaartjies beskikbaar by:
Aardklopkantoor by The Roots
Ingangshekke (maar onthou, geen kontant nie, dis kaart of niks)
Kos, Kuns en ’n Klein Bietjie Kaos
Meer as 300 kunsvlytstalletjies en oor die 50 kosstalletjies beteken jy hoef nie jou eie padkos te bring nie.
Op die oewer van die Mooirivier gaan jy tussen pannekoek, boereworsrolle, houtwerk en tuisgemaakte seep moet kies. Sterkte daarmee.
Kinders het hulle eie koninkryk
Die kinderspeelpark is elke dag oop van 09:00 tot 21:00. Geen oppassers nie, so jy sal self moet oplet, maar daar’s ’n lafenistuin vir die moeg mammas en pappas.
Toegang tot speelpark:
Dagkaartjie: R50 per kind
Ritkaartjies: R10 tot R40, afhangend van hoe wild die ride is
Betaling: Kontant of kaart hier is okay
Pendel Soos ’n Pro
Moeg geloop? Gebruik die pendeldiens. Dis vinnig, dit werk, en jy ondersteun sommer ’n local ook.
Ritte: R20 per keer
Kaartjies: R40, R120, R200 of R400 opsies beskikbaar
Te koop by:
Aardklopkantoor
Sentrale vertrekpunt op die terrein
Belangrik: Druk daai kaartjie uit, hulle pons hom soos in die ou dae
Musiek: Van Prime Circle tot Saarkie
Elke dag bring ’n nuwe lys artists. Hier’s ’n vinnige breakdown:
Dinsdag 7 Oktober: 4 Eva Young, Johan Gouws, Just Mia, Eloff, Irene-Louise van Wyk, Saarkie, Droomsindroom
Woensdag 8 Oktober: Leroi Heunis, Janine Oelofse, Perspektief, Freckled Elvis, Samantha Leonard, Danny Smoke, Ricus Nel
Donderdag 9 Oktober: Hartklop, Jeanette van Staden, Skemer, Ryk van Niekerk, Dodo, Bernice West, Elandré
Vrydag 10 Oktober: Sean Miles, Renaldo Alberts, AlterEgo, Deon Groot, Jacob Swann, Die Piesangskille, Early B
Saterdag 11 Oktober: Kerk Straat, Coenie Naudé, Ouderdoos, Van Der Aven, Zaan Sonnekus, Prime Circle, Die Heuwels Fantasties
Of jy nou kom vir die vibes, die vetkoek of vir Prime Circle se laaste tune op Saterdag, Potch wag vir jou. Net een reël: Los jou kontant by die huis, en bring jou feesgees.
Comments