Die Dromers Mark kom weer Potch toe - 9 Augustus

As daar een ding is wat Potchefstroomers nie kan sê nie, is dat hier niks aan die gang is nie. Die Dromers Mark maak weer sy opwagting by Lekwena Wildlife Estate, en dis dalk jou laaste kans om 2025 se laaste Dromers Mark in Potch mee te maak.

Wat’s die vibe?

Dis nie net nog ’n mark nie, dis ’n dag vol lekker kos, goeie musiek, handgemaakte goed en sommer net daai rustige plaasgevoel, net 20 minute buite die dorp. Kom spandeer ’n paar ure tussen kreatiewe mense, dromers, entrepreneurs en natuurlik, daai een tannie wat altyd die lekkerste fudge verkoop.

Dis die perfekte plek om bietjie af te skakel, stadig te beweeg en dalk iets uniek raak te loop vir jou huis (of net vir jouself, want hoekom nie?).

Belangrike info (moenie nou sê jy het nie geweet nie)

📍 Venue: Lekwena Wildlife Estate, N12, Potchefstroom, 2531

🗓️ Datums: 9–10 Augustus 2025

⏰ Tyd: 10:00 tot 15:00

💸 Toegangsfooi: R60 per persoon (kinders onder 12 kom verniet in)

🐾 Honde: Ja, bring jou hond saam – dis daai tipe plek!

🎵 Entertainment: Live music, so moenie jou dansskoene vergeet nie.

Koop jou kaartjies

Jy kan jou kaartjies vooraf koop op hul website:

👉 https://dromers.company.site/products/

Of jy kan dalk net opdaag met kontant en 'n glimlag. Maar dis altyd beter om voorbereid te wees, dis Potch, ons weet hoe lank daai rye kan raak.

Dis dalk net ’n mark, maar vir baie mense is dit inspirasie, ’n breek van die week se gejaag, en ’n kans om drome te deel, of net ’n worsrol in die hand te hou terwyl jy vir die musiek sit en luister. Moenie uitmis nie.

Tot by die mark!