Potchefstroom Skole Skitter op Sportgebied

Yolandi Botes
Jul 10
3 min read

Potchefstroom se skole het die afgelope seisoen weereens bewys waarom die dorp as ’n spilpunt van talentvolle jong atlete beskou word. Van netbal- en hokkiespanne wat nasionaal presteer tot krieketspelers en perderuiters wat hul merk op die sporttoneel laat, toon hierdie versameling prestasies die diepte, diversiteit en toewyding van ons plaaslike onderwysinstellings. Hierdie artikel lig die merkwaardige sportprestasies van van die voorste skole in Potchefstroom uit,en gee erkenning aan die leerders, afrigters en skole wat daagliks streef na uitnemendheid.

Potchefstroom Gimnasium: Timari gekies vir SA hokkie

Potchefstroom Gimnasium het rede om fees te vier met Timari Jonker se insluiting in die Suid-Afrikaanse o.17-hokkiespan. Hierdie graad 11-leerder het bewys gelewer van haar sportvernuf en toegewyde werksetiek. Die skool wens haar sterkte toe vir die pad vorentoe en hou haar hokkielooppbaan fyn dop.

Laerskool Mooirivier: Tokkie Netbal skitter op S-A toernooi

Vyf talentvolle Tokkie-netbalspelers het van 30 Junie tot 2 Julie aan die S-A Skole Netbaltoernooi, All Ages, deelgeneem. Hulle het hul onderskeie spanne met trots verteenwoordig onder die Noordwes-vlag en hul vaardighede ten toon gestel op nasionale vlak. Die ervaring is ’n mylpaal vir elkeen van die spelers en bevestig Laerskool Mooirivier se voortreflike sportkultuur.

Tokkie Hokkie toer na Camp Discovery

Tokkie Hokkie is op toer by Camp Discovery en die afrigters en spelers sien uit na ’n tyd vol spanbou, vaardigheidsontwikkeling en pret. Hierdie toer bied ’n geleentheid om as span nader te groei en die hokkieseisoen met nuwe energie aan te pak.

The High School for Girls Potchefstroom: Franka se perdry-prestasie

Franka Kempen is gekies vir die Noordwes Show Team wat aan die SA Youth Champs van 27 Junie tot 5 Julie in Kyalami deelneem. Franka en haar perd, Fort Benton, het in die SANESA-kwalifiseerders uitstekend gevaar met verskeie podiumplasings, onder meer 1ste en 3de plekke in verskeie klasse. Haar toewyding en resultate wys op groot potensiaal.

Saints Christian School: Krieketuitblinkers op die veld

Die o/13-krieketspan van Saints het tydens die Volkies Potch Toernooi vier van hul ses wedstryde gewen. Spelers soos Dave Katane en Mofenyi Olaniran het die kollig gesteel met onderskeidelik 70 lopies en 118 in één wedstryd. Mofenyi het ook onoorwonne 94 in die laaste wedstryd aangeteken. Die toernooi het karakter, vaardigheid en kompetisie van hoogstaande gehalte aan die dag gelê.

Kreatiwiteit en kameraderie op Markdag Saints se Markdag het kinders en onderwysers saamgebind in 'n dag gevul met kos, speletjies, handgemaakte items en opwinding. Die inisiatief versterk entrepreneurskap onder leerlinge en bou aan ’n kultuur van deelname en gemeenskap.

Hoër Volkskool Potchefstroom: Fietsryers trap hul plek vas

Tydens die Karkloof Youth Festival (2025 SA Youth XCM Champs) het twee Volkies-fietsryers besonder goed gevaar:

Migael Jansen: 9de in Sub-junior mans en 23ste algeheel uit 75 ryer.

Lian Louw: 3de in Jeug mans en 2de algeheel in die jeugfees Hierdie uitslae bevestig Volkies se status as 'n skool met ’n sterk sport-etos en groeiende sukses op verskeie terreine.

Skole: Deel jul stories met The Go-To Guy

Is jou skool trots op ’n prestasie, projek of gebeurtenis? Laat weet ons sodat ons dit kan deel met die groter gemeenskap. Kontak ons redaksie en laat ons toe om jou skool se stories te vertel.

Oor The Go-To Guy

The Go-To Guy is Potchefstroom en omliggende gebiede se toonaangewende digitale inligtingsentrum. Ons platform, www.thegotoguy.co.za en www.potchefstroom.com, ontvang meer as 75,000 bladsyaansigte per maand en sluit ’n nuusafdeling, sakegids, gemeenskapskalender, werks- en eiendomsbord, en nog vele meer in. Ons dek plaaslike stories via The Gazette, ons digitale koerant, en bedien verskeie gemeenskappe insluitend Ikageng en nou ook Klerksdorp.

Met meer as 77,000 volgelinge op Facebook, platforms op TikTok, Instagram en X, asook regstreekse uitsendings uit ons Go-To Guy Streaming Studio, is ons ’n krag in plaaslike nuus en bemarking. Ons Digitale Bemarkingspan bied alles van Google Ads tot TikTok-promosies en webontwikkelingsdienste landswyd aan.

Bemarkingspakkette wissel van gratis lyste tot premium dienste wat insluit video-inhoud, sosiale media-veldtogte en gespesialiseerde ontledings. Eenmalige opsies soos video-advertensies, plakkaatadvertensies en prominente Gazette-artikels is ook beskikbaar. Laat The Go-To Guy jou storie, jou besigheid en jou gemeenskap help groei. Ons vertel jou stories.

Met elke toernooi, kompetisie en erkenning bou Potchefstroom se skole nie net aan hul sportprofiele nie, maar ook aan selfvertroue, leierskap en spanbou by hul leerders. Hierdie prestasies wys dat toewyding en ondersteuning werklik vrugte afwerp. Ons sien uit na nóg meer inspirerende stories van ons plaaslike skole, want hier in Potch, groei kampioene nie net op die veld nie, maar ook in karakter.

#Skolesport #PotchefstroomSkole #KlerksdorpSkole #NoordwesOnderwys #Sporttrots #OnsVertelJouStorie #DieGoToGuy