Rooy Food Market November

Die Rooy Food Market maak op Sondag 30 November 2025 weer sy opwagting in Potchefstroom, en dié keer bring hulle sommer ’n hele Kersfees vibe saam. Dis die soort mark waar mens jou Sondag kan begin met goeie kos, ’n bietjie kuier, en heel waarskynlik meer inkopies as wat jy beplan het. Maar dis mos hoe dit gaan.

Wanneer en waar

Die mark vind plaas by Van Rooyen Hall in Piet Bosmanstraat, en die deure is oop van 10:00 tot 15:00. Dis lekker naby vir meeste Potch-inwoners, en met gratis toegang is daar geen verskoning om nie te kom nie.

Wat om te verwag

Organiseerders sê elke uitstaller gaan ’n Kersfees-element in hul stalletjie hê. Mens kan dus verwag dat daar heelwat tinsel, fairy lights en daai “ons is klaar oor die jaar”-energie in die lug gaan wees.

Die mark self bly egter dieselfde bekende mix:

• artisan kos

• lekkernye en treats

• kaas en vleis

• handwerk

• live music

• en natuurlik die gewilde car boot sale, waar jy altyd iets onverwags in iemand se kattebak optel.

Dis basies die plek waar niemand met leë hande huis toe gaan nie, al was dit nie deel van die plan nie.

Wil jy ’n stalletjie bespreek?

Uitstallers word aangemoedig om vroeg te bespreek, want soos altyd raak plek vinnig vol. Die oproep is kort en kragtig: “Bespreek nou jou stalletjie!”

Vir enige navrae kan belangstellendes Tania kontak by 079-918-2092

Die Rooy Food Market is een van daardie Sondag-gebeurtenisse waar mens sommer per ongeluk langer bly as beplan. Dit is gemaklik, plaaslik en baie Potch. En as daar een ding is wat Potch mense doen, is dit om op te daag vir kos en kuier. So maak maar ’n knoop in jou oor,hierdie een is die moeite werd.