Snowflake Mark maak reg vir Julie-bederf in Potch - 4 en 5 Julie

Vir almal wat nie hierdie winter op ’n strand in Durban kan lê nie, moenie worry nie. Die gewilde Snowflake Mark is terug met 'n mid-winter treat wat reg in die hart van Potch plaasvind.

Die Essentials

Datums:

• Vrydag 4 Julie 2025: 16:30 tot laat

• Saterdag 5 Julie 2025: 09:00 tot 13:30

Plek:

• Snowflake Venue, 2 Kockstraat, Potchefstroom

Kontak:

📞 082-850-1200

📧 info@snowflakevenue.com

🌐 www.snowflakevenue.com

📱 WhatsApp: 082 850 1200

📘 Snowflake Facebook

Wat om te verwag

Dis nie net 'n mark nie, dis amper soos daai tipe kuier wat begin met 'n pannekoek en eindig by 'n vuurwarm kruiewyn. Of dalk net ‘n warm vetkoek met kaas – want, jy weet, Potch weet hoe om ’n winter aan te pak.

Die Snowflake Julie-mark is bedoel vir daai mense wat nie nou kan wegbreek vir ’n vakansie nie, maar steeds bietjie vakansie vibes nodig het. Dis ’n lekker plek om jou maand se inkopies by plaaslike entrepreneurs te doen, en sommer bietjie geselsies aan te knoop.

Verwag warm kos, unieke produkte, en ’n atmosfeer wat jou amper sal laat vergeet dat jy môre weer moet werk. Dis daai tipe kuier waar jy in ’n hoodie opdaag en met ’n inkopietassie vol goed en ’n smile huis toe gaan.

Waarom jy dalk moet draai maak

Die ouens by Snowflake sê daar’s groot veranderinge aan die gang by die venue self, so as jy laas daar was toe maskers nog ’n ding was, is dit dalk tyd vir ’n update. Dis ’n kans om die nuwe vibes te voel, goeie musiek te hoor en dalk 'n bietjie winter blues weg te kuier saam met ander locals.

Gaan loer in, dis ’n lekker manier om winter in Potch te oorleef.