Twee kante van dieselfde munt - Van giggels na trane by Aardklop

Amanda Bekker
4 days ago
2 min read

As jy dink opera is net vir mense wat hou van hard sing in vreemde tale terwyl hulle baie dramaties na die plafon kyk, dink weer. Vanjaar bring Momentum Aardklop ’n produksie op die planke wat selfs die grootste skeptici dalk net weer sal laat dink. Die NWU Opera Ensemble span saam met die Nürnberg Hochschule für Musik se kamerorkes uit Duitsland vir Mozart to Verdi - Two Faces of Opera. Dit beloof om ’n produksie te wees wat jou een minuut laat giggel en die volgende minuut na ’n sneesdoekie laat gryp.

Wat op die verhoog gebeur

Die vertoning is basies in twee dele gedeel. Die eerste helfte is propvol humor en skinderstories met die tweede bedryf se finale van Mozart se Le nozze di Figaro. Dit borrel oor van energie en allerhande intriges. Net as jy dink die lewe is een groot grap, slaan die produksie oor na Verdi se La traviata (Bedryf I). Hier gaan dit oor verleiding, elegansie en die broser kant van die lewe. Dit is twee totale verskillende emosionele wêrelde in een vertoning van 90 minute. Gelukkig is daar Engelse en Afrikaanse boskrifte, so jy hoef nie eers Italiaans te verstaan om die storie te volg nie.

Die mense agter die musiek

Die NWU Opera Ensemble is al drie keer vir ’n kykNET Fiësta benoem en het in 2025 die prys vir die beste prestasie in klassieke musiek gewen. Hulle deel die verhoog met sangers soos Thembinkosi Magagula en Conroy Cupido. Die Duitse orkes word gelei deur die dirigent Guido Rumstadt, terwyl Chris Steyn sorg vir die regie en beligting. Conroy Cupido hanteer die musiekregie vir hierdie NWU produksie.

Waar, wanneer en hoeveel?

Die vertonings vind plaas in die Totiussaal en daar is twee geleenthede om dit te sien: Dinsdag 29 September om 20:00 en Woensdag 30 September om 13:30. Die ouderdomsbeperking is OB (Ouerbegeleiding), so dit is veilig genoeg vir die meeste familielede.

As dit by die kaartjies kom, werk dit soos volg: